Orgullosos dos nosos gandeiros e gandeiras! Mónica Landeira, unha das socias da nosa cooperativa, participa en Bruxelas na EU Agricultural Outlook Conference, a conferencia anual sobre Perspectivas da Agricultura da UE que organiza a Comisión Europea e, polo tanto, un dos eventos máis importantes do sector.
Convidada por Cooperativas Agroalimentarias de España, Mónica achegará a súa visión sobre a sustentabilidade ambiental do sector explicando a redución da pegada de carbono nas granxas ÚNICLA. De feito, ela é a propietaria dunha explotación de ÚNICLA cunha produción anual de 600.000 litros. O seu exemplo mostra o papel que desenvolvemos as cooperativas para implantar medidas colectivas a favor do medio ambiente e, polo tanto, a favor da valorización dos nosos gandeiros. E isto non é novo: xa sabedes que CLUN é a primeira empresa produtora de leite en España en conseguir a certificación de AENOR da Pegada de Carbono de Produto nas granxas de Leite Únicla, que ademais contan coa certificación de Benestar Animal desde 2016.