A comida non se tira! Se hai algo no que nos gusta incidir é na importancia de non tirar nin desperdiciar alimentos, sexan as sobras que nos quedan do xantar de mediodía, o pan duro de toda a semana ou os produtos frescos que acumulamos no frigorífico e que están a punto de pasarse. Hoxe en Cociña con Feiraco… tres receitas de aproveitamento!
Continue reading “Cociña con Feiraco… receitas de aproveitamento!”
Cal é o remate perfecto dun xantar coa familia ou cos amigos? Unha longa sobremesa! E se é cun toque doce, mellor que mellor. Continue reading “Cociña con Feiraco… sobremesas de verán!”
Os iogures e o leite son bos sustitutos da nata en múltiples receitas, mais a nata para bater Feiraco aporta un sabor e textura singulares aos vosos pratos coa que marcaredes a diferenza. De cando en vez, agradécense receitas como biscoitos, bicas, tortas e mesmo madalenas con nata, como as que vos presentamos hoxe. Continue reading “Cociña con Feiraco unhas madalenas de nata”
Quen se resiste a un delicioso flan? Se, ademais, conta entre os seus ingredientes cun dos produtos galegos de máis tradición e sabor como é o Queixo Tetilla, triunfaremos seguro.
Continue reading “Receitas infantís: flan de Queixo Tetilla”
Os amorodos son unha das froitas preferidas polos máis pequenos da casa. Están boísimos, son moi saudables e ademais… están de tempada! Continue reading “Receitas infantís: mousse de amorodos”
Quen dixo que as filloas eran só para o Entroido? En calquera época de ano, son unha excelente alternativa para preparar unha merenda divertida e diferente para os pequenos da casa. Ademais, divertiranse como nunca axudándovos a preparalas! Continue reading “Receitas infantís: filloas con iogur”
Acordádesvos de Belén e Roi, os protagonistas dos contos #deondevénoleite? Pois agora están aprendendo a cociñar! Os dous nenos, sempre coa axuda supervisión dun adulto, vannos ir ensinando unha morea de receitas sinxelas e doadas de preparar especialmente pensadas para facer en familia.
Ben sexa como plan para un día de choiva ou ben como entretemento para unha tarde diferente, cociñar é unha actividade divertida da que gozaredes tanto pequenos coma maiores. Compartiremos convosco propostas para todos os gustos e épocas do ano, cun gran protagonismo dos produtos autóctonos e de tempada. Preparade os vosos mandís… que empeza a nosa aventura culinaria!
Xa sabedes que en Feiraco sempre estamos a preparar actividades específicas para os máis pequenos da casa. Con esta iniciativa, o noso obxectivo é compartir convosco unha alternativa de ocio para desfrutar cos nenos dun anaco agradable, divertido e didáctico.
E é que cociñar en familia tamén é unha forma de transmitir valores fundamentais relacionados coa alimentación e os bos hábitos nutricionais. A través destas receitas, estaredes a espertar nos máis pequenos interese polos lácteos e pola forma de preparar os alimentos, algo moi importante á hora de que aprendan a comer ben e de forma saudable.
Todas as receitas que Belén e Roi nos teñen preparadas veñen detalladas paso a paso, con indicacións de que partes son máis recomendables para que fagan os nenos e cales deben realizar os adultos para maior seguridade.
Xa vos adiantamos que mesturar ingredientes, dar forma coas mans a determinadas preparacións ou decorar de forma creativa o prato final serán algunhas das súas tarefas preferidas.
Ademais, nalgúns casos tamén vos propoñeremos diversas actividades didácticas para realizar unha vez finalizada a receita, relacionadas cos alimentos, cos utensilios de cociña ou co momento do ano propio dalgúns pratos. Van converterse en verdadeiros mini chefs de cociña!
Permanecede atentos porque pronto iremos compartindo unha morea de propostas para chupar os dedos. Agardamos que vos animedes a preparalas! E non dubidedes en compartir connosco en facebook o resultado final! 🙂
