Feiraco, Pazo de Vilane e Quescrem unímonos para presentar unha tarta de queixo moi especial que esperemos que moi pronto se faga en todos os fogares galegos: a EXQUISIÑA!
De seguro que ao longo da túa vida probaches decenas de cheesecakes: americana, xaponesa, grega… Pero non botabas en falta contar cunha verdadeira tarta de queixo galega? Nós si!
Feiraco, Pazo de Vilane e Quescrem puxémonos mans ó obra e aliámonos para crear a EXQUISIÑA: A Tarta de Queixo Galega.
Pero non o fixemos sós: contamos coa colaboración duns chefs de excepción cos que foi un luxo traballar: Lucía Freitas e Pablo Gallego, dous baluartes da gastronomía galega que crearon a receita exclusiva da nosa EXQUISIÑA coa suma perfecta destes 3 produtos galegos: os ovos de Pazo de Vilane de galiñas criadas en liberdade; a mellor nata Feiraco procedente de leite de vacas galegas; e o saboroso queixo crema galego Quescrem, dunha grande utilidade culinaria.