Nova receita con Feiraco! Pero esta vez… edición detox! Hoxe toca sopa para axudarche a limpar o organismo e retomar os bos hábitos despois dos excesos do Nadal. Iso si: prometémosche que está boísima e co toque final de Feiraco, adquirirá unha textura moi cremosa.
Ingredientes:
- Medio repolo
- 4 tomates maduros
- 2 cebolas
- 1 penca de apio grande
- 1 pemento verde
- Sal e pementa ao gusto
- Un chorrito de Leite Feiraco Desnatado
- Aceite de oliva
Preparación:
- Nun chorriño de aceite, poñemos a rustrir todas as verduras previamente lavadas, peladas e cortadas en anacos. Este paso daralle un extra de sabor ao resultado final!
- Transcorridos uns minutos, cubrimos de auga e salpimentamos.
- Deixamos cocer ben todo ata que as verduras estean tenras. Se tes unha pota rápida, nuns minutos estarán listas.
- Pasamos todo pola batedora e como toque final incorporamos un chorriño de Leite Feiraco Desnatado. Quedará unha textura moi cremosa e de sabor moi suave.
Bo proveito!