Cal é o remate perfecto dun xantar coa familia ou cos amigos? Unha longa sobremesa! E se é cun toque doce, mellor que mellor.
Hoxe traémosvos tres receitas saborosas, fresquiñas e moi doadas de facer para que sorprendades aos vosos comensais este verán. E o máis importante, con todo o sabor e a calidade do leite 100% galego da nosa cooperativa!
Tomade nota!
Panacota
Ingredientes:
400 ml de nata para bater Feiraco
40 g de azucre
2 follas de xelatina e un pouco de auga fría para poñelas a remollo
Caramelo líquido
4 moldes pequenos
Preparación:
– Poñemos a remollo as follas de xelatina nun pouco de agua fría
– Mentres, poñemos a quentar a nata nun cazo a lume medio. Deixámola cocer durante 10 minutos sen deixar que ferva. Despois, apartamos do lume, engadímoslle o azucre e removemos durante 1 minuto.
– Engadimos a xelatina ben escorrida á nata e o azucre e removemos durante outro minuto máis.
– Repartimos a mestura en moldes individuais previamente caramelizados. Podes decorar con amorodos, anacos de galleta…
– 4 horas de frigorífico e listas para degustar!
Xeado fácil de cacao
Ingredientes:
200 ml nata para montar Feiraco
200 ml de leite Feiraco
1 cullerada de mel
200 g crema de cacao e avelás
Preparación:
– Montamos a nata. Noutro recipiente, mesturamos o leite co mel e a crema de cacao ata que quede homoxéneo.
– Integramos todo con movementos suaves e envolventes.
– Vertemos nun recipiente plano, tapamos con papel de film e reservamos no conxelador durante varias horas.
Crema fría de limón
Ingredientes:
2 limóns
150 g de azucre
3 ovos
250 ml de leite enteiro Feiraco
40 g de fécula de maíz
Preparación:
– Bate as xemas co azucre e reserva as claras; engade a fécula de maíz, o zume de dous limóns, a reladura dun limón e o leite Feiraco. Integra todos os ingredientes.
– Leva a mezcla ao lume, sen deixar de remover cunha variña ata que tome corpo e espese un pouco. Retira do lume, verte nun bol para enfriar.
– Monta as claras a punto de neve e incorpóraas na crema fría con movementos envolventes para que non se baixen as claras. Serve nunhas copas e decora ao gosto.