A comida non se tira! Se hai algo no que nos gusta incidir é na importancia de non tirar nin desperdiciar alimentos, sexan as sobras que nos quedan do xantar de mediodía, o pan duro de toda a semana ou os produtos frescos que acumulamos no frigorífico e que están a punto de pasarse. Hoxe en Cociña con Feiraco… tres receitas de aproveitamento!
Crema de brócoli con queixo de Arzúa-Ulloa Feiraco
Ingredientes:
1 cebola en anacos
1 allo porro picado
1 pataca en anacos
1 cabeza de brócoli
200 ml de nata para cociñar Feiraco
80 g de queixo Arzúa-Ulloa Feiraco
aceite de oliva
sal e pementa
auga ou caldo de polo
Preparación:
1. Nunha pota refogamos co aceite de oliva a ceboa e o allo porro a lume medio-baixo uns 5 minutos.
2. Engadimos a pataca, cubrimos coa auga ou caldo e deixamos ferver 5 minutos.
3. Engadimos o brócoli cortado en poliñas, cubrimos de auga ou caldo e deixamos cociñar uns minutos ata que todas as verduras estean cocidas.
4. Retiramos do lume, engadimos o queixo en anacos e pasamos polo batedor. Rectificamos o espesor coa nata e servimos.
Croquetas de Cocido
Ingredientes:
80 gr de fariña
80 gr de manteiga
1 litro de leite Feiraco
Noz moscada
Sal
Pementa
Restos do cocido: galiña ou polo, chorizo sen pel, terneira, xamón…
100 gr pan realo
3 ovos
Preparación:
1.- Quentamos o leite ata que comece a ferver e deixamos repousar
2.- Nunha cazola, derretemos a manteiga e engadísmolle a fariña peneirada. Removemos durante varios minutos para que coza ben
3.- Engadimos o leite sen deixar de remover
4.- Poñemos sal, pementa e noz moscada ao gusto
5.- Finalmente incorporamos os restos de carne do cocido previamente picados e seguimos removendo ata que a salsa adquira unha consistencia espesa
6.- Vertemos a salsa nunha fonte e tapamos con papel de film. Cando enfríe, metémola na neveira un día
7.- Só nos queda facer pequenas porcións, pasalas por ovo e pan relado e fritir na sartén. Tamén as podes conxelar!
Torradas
Ingredientes:
1 barra de pan do día anterior
3 ovos
Leite Feiraco Enteiro
1 taza de azucre
Unha casca de limón
Unha rama de canela
Aceite para fritir
Preparación
1. Quetamos o leite coa metade do azucre, a casca de limón e a rama de canela. Deixamos repousar
2. Cortamos a barra de pan en toros d 2-3 cm e sumerxímolos no leite.
3. Só queda pasalos polo ovo e fritir.
4. Retira as torradas a unha bandexa con papel absorbente