Como nos gusta o Entroido en Feiraco! Non hai recuncho de Galicia que non celebre esta festividade tan nosa. Tempo de disfrazarse, de deixar a vergoña na casa e de pasalo ben! Tempo de cigarróns, de peliqueiros e de pantallas! E, sobre todo, tempo de grandes xantares cos mellores produtos da nosa terra.
Ás comidas propias destas datas, compostas de abundantes cocidos con lacón, chourizos, cachucha, orella, grelos ou patacas, séguenlles as sobremesas máis deliciosas. Hoxe traémosvos dúas receitas propias destas datas para incorporar nos vosos menús, xunto coas incondicionais orellas e filloas: rosquillas de nata Feiraco e flores de Entroido.
Rosquillas con Nata Feiraco
Ingredientes:
260 g fariña
125 g nata para montar Feiraco
1 ovo
50 g azucre
1 culleradiña de fermento
Reladura de limón
Un chisco de sal
Aceite
Preparación
1. Mesturamos a fariña, o azucre e o sal. Incorporamos a reladura de limón, a nata e o ovo.
2. Amasamos coas mans ata conseguir una bola homoxénea e uniforme e deixámola repousar 15 minutos.
3. Para formar as rosquillas, facemos un tira longa e redondeada e unímola polos extremos.
4. Fritimos en abundante aceite. Podemos decorar con azucre glass.
Flores de entroido
Ingredientes:
250 ml de leite enteiro
1 ovo
1 Pizca de sal
200 g de fariña de trigo
Unhas gotas de anís
zume de laranxa ou canela para aromatizar (opcional)
Aceite de xirasol para fritir
Azucre
Preparación:
1. Batemos o leite e o ovo. Engadimos o sal e os aromas elixidos.
2. Agregamos fariña batendo cun garfo ou batidora ata quedar unha masa sen grumos.
3. Deixamos repousar a masa uns 20 minutos para que espese.
4. Calentamos abundante aceite de xirasol nunha tixola fonda. Metemos o molde para as flores para que colla temperatura.
5. Cando o molde esté mol quente e o aceite tamén, o sacamos da tixola e o metemos na masa, deixando sen cubrir a parte superior, e volvemos a meter na tixola sen tocar o fondo. A flor debe desprenderse nuns segundos.
6. Unha vez dourada cada flor, as pasamos a unha fonte con papel absorbente para retirar o exceso de aceite. Rebozamos con azucre.
7. Repetimos a operación ata rematar toda a masa.