Quen se resiste a un delicioso flan? Se, ademais, conta entre os seus ingredientes cun dos produtos galegos de máis tradición e sabor como é o Queixo Tetilla, triunfaremos seguro.
Agora que os pequenos están de vacacións e dispoñemos de máis tempo para facer plans en familia, por que non pasamos con eles un anaco agradable e divertido na cociña? Esta sinxela e saborosa receita é perfecta para preparar todos xuntos. Ademais, trátase dunha proposta moi fresca e nutritiva para as sobremesas de verán.
Xunto coa receita, propoñémosvos tamén unha ficha de actividades. Ademais de dar renda solta á súa creatividade coloreando, os pequenos aprenderán a identificar a procedencia dalgúns dos queixos máis coñecidos ou reflexionar sobre a orixe de determinados produtos. Perfecto para entretelos mentres se cociña o flan no forno!
Tanto a receita cos pasos do proceso como a táboa de actividades para os nenos están preparadas en formato A4 para que as podades imprimir se así o preferides.
Actividades propostas
