Vimos de reeditar os nosos contos «De onde vén o leite?», unha iniciativa concebida para achegar aos escolares de toda Galicia o proceso do leite.
Con textos de Enrique Mauricio e ilustracións de Carlos Taboada, os contos amosan dun xeito didáctico e divertido, adaptado aos nenos/as de infantil e primaria, o método de traballo da nosa cooperativa e cal é o camiño que percorre o leite dende a súa orixe nas granxas ata a mesa das súas casas: como é o coidado das vacas, a súa alimentación e muxidura, que tratamento recibe o leite na fábrica, como se realiza o envasado, que tipo de produtos e derivados se fan con el…
Sen dúbida, unha maneira perfecta para aprender e achegarse a un dos sectores estratéxicos máis importantes de Galicia. Máis abaixo tédelos á vosa disposición para que poidades lelos e compartilos con quen queirades.
Conto para alumnado de Infantil
Imos de excursión a unha granxa Feiraco.
Conto para alumnado de Primaria
Roi ve unha vaca por primeira vez.