Pan de ovos, boleardos, periquito, trenza de ovo, carrapito… chámalle como queiras! Temos unha ducia de nomes e doces que varían por zonas. O que si é que a rosca galega de Pascua é sinónimo de festa e hoxe traémosche a nosa receita. Imos quentando motores para este #VenresLarpeiro que está por vir!
Ingredientes
570 gramos de fariña de forza
150 ml de leite enteiro Feiraco
10 gramos de fermento fresco de panadaría
4 ovos
100 gramos de azucre
60 gramos de manteiga
Reladura dun limón
Sal
Azucre perlado
Améndoas en láminas
Preparación
Para o fermento, disolver nunha cunca 100 ml do leite templado e a metade do fermento. Engadir 100 gramos da fariña e continuar remexendo ata integrar todo ben. Deixar reposar durante unha hora.
Poñer noutra cunca os 450 gramos da fariña, o resto do fermento e o preparado anterior. Sen deixar de remexer, engadir o leite restante, os ovos batidos, o azucre, o sal, a reladura do limón e, por último, a manteiga.
Tempo de poñerse mans á obra! Poñer a masa nunha superficie con fariña ata obter un preparado liso e homoxéneo. Darlle forma de bola e colocala nun recipiente empoado con fariña para deixar reposar durante unha hora e media ata que logre doblar o seu volume.
Unha vez pasado ese tempo, precalentar o forno a 180º, amasar de novo lixeiramente a masa, dividila en dúas partes e trenzar cada unha delas para darlle forma á rosca. Logo unir os extremos e deixar reposar a nosa rosca en papel de forno para que siga crecendo.