En Feiraco temos unha teima: gozar ao máximo do almorzo! E para acompañar ao café con leite, estes míticos croissants son un acerto seguro. Imos con eles!
Ingredientes
- 500 g de fariña de pan
- 40 g de azucre
- 1 culleradiña de sal
- 2 culleradiñas de fermento seco
- 300 ml de leite Feiraco (morno)
- 1 ovo
Preparación
Poñer os ingredientes secos nunha cunca, facer un oco no centro, botar o leite e mesturar todo. Amasar ben durante 10 minutos e deixar levedar ata que dobre o seu volume.
Estender a masa nun rectángulo e cortala en triángulos. Neste paso, se vos gusta o chocolate, podedes poñer en cada triángulo unha cullerada de crema de chocolate, pero isto é opcional.
Agora tocar facerlles a forma, enrolando dende a base ata o vértice.
Por último, pintamos con ovo e poñémolos na bandexa do forno. Tapámolos cun trapo e deixamos repousar de novo ata que dobren o seu volume.
Enfornamos durante uns 15 – 20 minutos no forno previamente prequentado a uns 200 º C. Retirar cando estean dourados.