Hoxe traémosche un entrante de luxo e moi saboroso para unha mesa 10. E coa nosa Nata Feiraco será aínda un pouco máis especial. Anímaste a facela esta fin de semana?
Ingredientes
1/2 kg lagostinos crudos (poden ser conxelados)
50 g manteiga
200 ml de nata para cociñar Feiraco
3 culleradas de tomate frito
1 culleradiña de viño branco
2 culleradas de fariña
1 rama apio
Tomiño
Loureiro
Perexil
Zume de limón
Preparación
Poñemos a ferver nunha pota un litro de auga á que lle engadimos o sal, loureiro (1 folla é suficiente), o apio e un pouquiño de perexil. En canto ferva botamos os lagostinos e agardamos a que a auga volva ferver. Retirámolas do lume e deixámolas repousar un par de minutos.
Colocamos os lagostinos nun bol con auga e xeo para que arrefríen. Coamos a auga que quedou de cocelas e reservamos.
Pelamos os lagostinos e separamos as cabezas, que pasamos por un coador tipo “chinés”. Nunha tixola poñemos a manteiga. Cando esté derretida engadimos a fariña e remexemos ben. Engadimos o caldo de ferver os lagostinos. Botamos tamén o tomate frito e deixamos cocer 15 minutos a lume lento.
Transcorrido ese tempo, sumámoslle o viño branco, a nata Feiraco e os lagostinos pelados (deixa un par reservados para o empratado), un pouquiño de zume de limón en lugar de sal e listo.
Pasamos todo polo batedor.
Para servir, queda estupendo con algúns anacos de lagostinos enteiros polo medio dos que deixaches reservados e un toque de perexil.