Os nosos veciños portugueses son uns artistas da cociña! Así que hoxe animámonos coa súa famosa de receita de “Bacalhau com natas” pero, como non podía ser doutro xeito, co noso toque 100% galego do leite e a nata Feiraco para cociñar. Ide encargando pan, porque vos fará falta para non deixar nadiña no prato 🙂
Ingredientes
- 1 lomo de bacallau desalgado (sobre 500 g)
- 3/4 patacas medianas
- 2 vasos de leite Feiraco
- 200 ml de nata Feiraco para cociñar
- 1 cebola
- 3 culleradas de fariña
- Aceite de oliva
- Pementa e noz moscada
Preparación
- Pelamos as patacas, cortámolas en toros e fritímolas lixeiramente.
- Colocamos na base dunha fonte para o forno.
- Por outra banda, cocemos os anacos do bacallau no leite durante dous ou tres minutos. Reservamos. Picamos media cebola e rustrímola a lume lento, poñemos as tiras de bacallau coa cebola e salteamos todo xunto. Colocamos o bacallau e a cebola sobre as patacas na fonte.
- Preparamos unha bechamel lixeira coa manteiga, a fariña e o leite co que cocemos o bacallau, engadindo máis leite se fose necesario. Engadímola á fonte
- Enfornamos a 190º durante quince minutos.