De onde ven o leite

De onde vén o leite? concibiuse para achegarlles aos escolares de toda Galicia, dende idades moi temperás, as claves para entender a historia do leite en Galicia, así como detalles sobre o manexo, a alimentación das nosas vacas e o método e filosofía de Feiraco baseados no lema Alimentando un Xeito de Ser.

E que mellor maneira de logralo que a través do conto que lle dá nome á actividade? Por iso, dende a cooperativa decidimos que fosen os propios autores da coñecida colección infantil de Xerais «Polo Correo do Vento», Enrique Mauricio e Carlos Taboada, os que escenificasen a pé de campo, nunha das nosas granxas, as aventuras dos protagonistas de De onde vén o leite?

As sesións de contacontos completáronse ademais con visitas á explotación para que os escolares puidesen coñecer de primeira man os aspectos do manexo de animais relacionados coa súa alimentación, hixiene e benestar.

Descobre máis da iniciativa De onde vén o leite? na nosa canle de Youtube.