Arranca a nosa campaña solidaria para axudar á reforestación dos montes queimados do Courel! 💚🐄 Creamos unha edición especial do noso leite semidesnatado coa imaxe do Apalpador para doar, ao plan de recuperación dos montes, un céntimo por cada litro de leite solidario.
A través desta acción queremos axudar á recuperación dos montes do Courel. Unha zona que durante catorce días estivo ardendo ata converterse nun dos incendios máis grandes da historia de Galicia, con máis de once mil hectáreas arrasadas polo lume.
Grazas ao envase do Apalpador imos doar un céntimo por cada litro ao plan de recuperación dos montes do Courel para que as montañas do Apalpador volvan ser verdes e frondosas coma sempre.
A solidariedade, o rural e o sostible son os compromisos desta edición e son tamén os valores de FEIRACO. Por ese motivo, animámosvos a contribuír a manter vivo o rural, os nosos montes e a nosa cultura a través deste envase cheo de leite solidario🥛
Non perdas ningún detalle desta edición e consulta máis información no seguinte enlace: https://feiraco.es/gl/leitesolidario/
#LeiteSolidario #LeiteSolidarioFeiraco #LeiteGalego