En Feiraco ampliamos a nosa gama de leites coas novas variedades Feiraco Sen Lactosa! Se es intolerante á lactosa ou buscas un leite máis dixestivo con todo o sabor e a calidade 100% galega, sen dúbida este é o teu leite.
Nas súas dúas variedades, semidesnatado e desnatado, constitúe a alternativa perfecta para aqueles consumidores que buscades unha variedade sen lactosa, máis lixeira e adaptada ás vosas necesidades. Buscádeo no voso punto de venda habitual e probádeo! Estamos desexando coñecer a vosa opinión!
Marcas de calidade
A única diferenza co leite Feiraco de sempre é que non ten lactosa. O resto do proceso de produción é igual. Ofrecemos a máis alta calidade dende a orixe, con leite recollido das explotacións dos nosos socios gandeiros e co aval das marcas de garantía de maior recoñecemento: Galega 100% e Galicia Calidade. Ademais, igual que o resto de leites Feiraco, a variedade sen lactosa non contén glute e conta a maiores co selo de garantía de la Asociación Española de Intolerantes á Lactosa (ADILAC).
Únicla, tamén sen lactosa
Co lanzamento desta nova gama, dende a cooperativa CLUN ofrecémosvos unha nova opción para tomar leite sen presenza de lactosa coa marca Feiraco, que se une ás variedades de Únicla xa presentes no mercado: semidesnatado e desnatado.
Ambos leites sen lactosa teñen a súa orixe nas explotacións dos socios gandeiros de CLUN, e Únicla conta ademais co aval de Leite Premium, procedente de granxas certificadas en Benestar Animal e as primeiras de Europa co selo AENOR ISO 22.000.
Grazas a unha alimentación diferenciada das nosas vacas, a partir das mellores forraxes da nosa terra complementadas con semillas de liño que reproducen os pastos de primavera e outono, Únicla convértese nun leite único con presenza natural de CLA, Omega 3 e antioxidantes como o selenio. Ademais, as súas variedades sen lactosa contan co selo do International Taste Award polo seu sabor excepcional.