Aínda que este ano demostrounos que hai moitas cousas que poden cambiar, hai outras que non o farán nunca… Unha delas é o noso compromiso con Galicia e a nosa vontade de seguir apoiando o noso.
Por iso, fainos moi felices ser unha das marcas patrocinadoras oficiais do Xacobeo 2021, un evento que pon en valor o noso patrimonio cultural e natural, e que este ano debe converterse, máis que nunca, no motor de recuperación económica e anímica da economía e sociedade galega.
A nosa cooperativa CLUN firmou un acordo de patrocinio para levar a cabo accións de difusión e promoción deste evento, apoiando as actividades deportivas, lúdicas e musicais que teñan lugar no marco desta celebración.
Ademais, nas nosas redes sociais contribuiremos a seguir promocionando todo o relativo ao Camiño de Santiago e á celebración Xacobea, un dos nosos signos de identidade tan 100% galegos coma Feiraco.