Feiraco e Leite Únicla participaron no quinto aniversario do Festival de la Luz, en liña co compromiso adquirido con Galicia e a nosa cultura. EStivemos en Boimorto a fin de semana do 9 ao 11 de setembro cun stand no Mercado de la Luz ofertando os nosos produtos. Toda a recadación foi donada á organización do festival que a destinará a Oxfam Intermón en beneficio dos afectados polo actual conflito en Siria.
Actividades infantís e contacontos
No noso stand puidestes disfrutar dun montón de actividades para toda a familia, de talleres infantís de contacontos e debuxos. Aprendemos de ónde vén o leite Únicla co noso conto infantil, editado por Feiraco, que narra o proceso do leite e o traballo da Cooperativa de gandeiros Feiraco para producir o mellor leite do mundo 🙂
Seguindo coas actividades pensadas para os máis pequenos, organizamos tamén un taller de fabricación de pins e sumámonos á gymkana infantil prevista pola organización do Festival de la Luz no marco do seu espazo cultivando deporte mini.
Moitas grazas a todos os nosos seguidores en Facebook Feiraco que viñestes a esta cita coa música, tanto os gañadores do sorteo de 80 abonos para os tres días, como os que viñestes pola vosa conta e vos achegastes a saudarnos ao stand.
