Máis ergonómicos, cero goteos e pregado doado para facilitar a súa reciclaxe.
Un gran leite merecía un envase á altura da súa calidade. Por iso estamos tan felices de que por fin chegue ao mercado o proxecto no que levamos traballando tanto tempo. Os novos envases de Leite Feiraco e Leite Premium Únicla son os primeiros envases Pure–Pak® Sense Aseptic para lácteos de longa vida en todo o sur de Europa.
En CLUN, a cooperativa da que formamos parte, investimos 3,2 millóns de euros para este lanzamento que marca un fito no noso mercado e que implica unha aposta clara pola innovación, a sustentabilidade e a mellora da vosa experiencia de consumo. Descubre as súas vantaxes!
O envase máis revolucionario
Os novos envases, da empresa noruega Elopak, confiren ao produto máis frescura e naturalidade.
Ademais, mellorará a vosa experiencia grazas ás súas características:
- O seu deseño ergonómico facilita o agarre e mellora o manexo.
- Tapón e top asimétrico, que favorece o vertido e evita os molestos goteos.
- Pregado doado para facilitar a súa reciclaxe. Coidemos entre todos do medio!
- E elaborados con cartón procedente de bosques sustentables
Como vedes, na cooperativa non paramos e a innovación, sempre entendida como un compromiso co noso medio e cos nosos consumidores, é o noso motor principal.
Estamos desexando coñecer as vosas opinións e a vosa experiencia. Lembrade que podedes pasarvos polas nosas canles de Facebook e Instagram, onde temos unha comunidade ben activa e participativa na que poder intercambiar opinións!