Este xigante carboeiro baixa das montañas do Courel nas noites do 24 e 31 de decembro para visitar ás nenas e aos nenos galegos, tocándolles as barriguiñas para ver se comeron dabondo durante todo o ano.
En FEIRACO quixemos preparar unhas cartas ben chulas para que poidades imprimir e facerllas chegar ao Apalpador. Seguide lendo💚
O Apalpador tamén é o protagonista da nosa campaña solidaria para este Nadal. Máis de tres centos mil envases van cheos de leite solidario, posto que con eles se poderá axudar a reforestar os montes queimados do Folgoso do Courel, terra natal desta personaxe tan coñecida na cultura galega.
A través desta iniciativa, ademais do noso compromiso solidario co medio ambiente, tamén pretendemos por de manifesto o noso apoio e contribución á difusion da cultura galega, neste caso a través da figura do Apalpador.
Outra maneira para continuar coa tradición é asegurarnos de que poidades escribirlle ao Apalpador todos os vosos desexos!
Descobre a continuación as cartas de FEIRACO que preparamos e escolle a túa favorita:
Descarga a Carta de FEIRACO ao Apalpador 1.
Descarga a Carta de FEIRACO ao Apalpador 2.
Descarga a Carta de FEIRACO ao Apalpador 3.