¡Inauguramos os #VenresLarpeiros con Feiraco cunha desas receitas que gusta a todo o mundo! Continue reading “Receita de biscoito mármore con Leite Feiraco”
Categoría: Receitas e vida saudable
Alimentación
Descubre 10 rutas por Galicia!
Buscas plans de lecer ao aire libre? Hoxe recompilámosche 10 roteiros de sendeirismo que fomos publicando nas nosas redes sociais para que tomes ideas e planifiques unha fin de semana diferente, gozando do moito que temos en Galicia. Anímaste? Continue reading “Descubre 10 rutas por Galicia!”
Receitas de Batch cooking con leite Feiraco
O batch cooking é a nova tendencia para aforrar tempo e comer saudable. Consiste en deixar preparados os ingredientes, ou mesmo os propios pratos, para telos listos para comer durante a semana. O gran esquecido en temas de organización sempre é o almorzo, pero aquí propoñémosche tres receitas fáciles con leite Feiraco para que non che tenten as galletas e o chocolate.
A nosa primeira proposta é con flocos de avea. É unha receita moi simple que se pode deixar preparada sen necesidade de engadir nada o día que a queiras comer. Mestúrase nun bol o leite, os flocos de avea mel, sal e canela, remóvese ben e déixase repousar. Reparte en 5 tarriños con tapa e encima engadimos uns arandos e noces. Pechamos os tarriños, metémolos na neveira e listo para gozar!
- 250 g de flocos de avea
- 1 litro de leite Feiraco
- 5 culleradas de mel
- 1 chisco de sal
- 2 terrinas de arandos frescos
- 15 noces
- cucharadiña de canela en po
As sementes son ingredientes que lle dan un toque de sabor aos nosos almorzos. Por iso traémosche esta receita de Pudding de plátano e chía ao cacao. Mestúrase nun bol o leite e as sementes de chía, repártese en tarros con tapa e déixase repousar na neveira. O día que o vaias a comer, trituras a mestura con cacao, panela e o plátano e terémolo listo.
- 150 ml de leite
- 2 culleradas sopeiras de sementes de chía
- 1 cullerada sopeira rasa de cacao en po
- 2 culleiradas de panela
- 1 plátano grande
Algunha vez probastes a quinoa para almorzar? Se che soa raro, despois de probar esta receita quererás facela sempre. Podes preparar un bol de quinoa cocida e deixalo na neveira e prepara o almorzo cando queiras comelo ou preparar toda a receita e gardala en tarros con tapa. Primeiro botas unha cunca de quinoa cocida nunha pota e engádeslle media cunca de leite xunto con 3 pingas de extracto de vainilla e quéntalo durante 5 minutos. Sérvelo nun recipiente e engádeslle arandos frescos ou deshidratados, unha cullerada de edulcorante e unha cullerada de améndoas tostadas. Facil e rico!
- Quinoa
- Leite Feiraco
- Extracto de vainilla
- Arandos
- Améndoas
Cinco ideas de batidos con Leite Feiraco
A quen non lle entra a fame entre horas con esta calor? Hoxe propoñémosche 5 ideas de batidos para gozar con Feiraco este verán.
Continue reading “Cinco ideas de batidos con Leite Feiraco”
De ruta por Galicia!
Non cómpre ir moi lonxe nin tomar moitos avións para gozar do pracer de viaxar e da experiencia de descubrir a marabillosa riqueza patrimonial e natural que nos rodea. Seguro que moi preto de ti, aquí en Galicia, tes aínda mil e un recunchos por descubrir, verdade?
Cociña con Feiraco… dúas sobremesas de Entroido!
Como nos gusta o Entroido en Feiraco! Non hai recuncho de Galicia que non celebre esta festividade tan nosa. Tempo de disfrazarse, de deixar a vergoña na casa e de pasalo ben! Tempo de cigarróns, de peliqueiros e de pantallas! E, sobre todo, tempo de grandes xantares cos mellores produtos da nosa terra.
Continue reading “Cociña con Feiraco… dúas sobremesas de Entroido!”
Cociña con Feiraco… receitas de aproveitamento!
A comida non se tira! Se hai algo no que nos gusta incidir é na importancia de non tirar nin desperdiciar alimentos, sexan as sobras que nos quedan do xantar de mediodía, o pan duro de toda a semana ou os produtos frescos que acumulamos no frigorífico e que están a punto de pasarse. Hoxe en Cociña con Feiraco… tres receitas de aproveitamento!
Continue reading “Cociña con Feiraco… receitas de aproveitamento!”
Cociña con Feiraco… sobremesas de verán!
Cal é o remate perfecto dun xantar coa familia ou cos amigos? Unha longa sobremesa! E se é cun toque doce, mellor que mellor. Continue reading “Cociña con Feiraco… sobremesas de verán!”
Cociña con Feiraco dous pratos salgados
Os produtos lácteos como a nata e o leite son perfectos para cociñar deliciosos e saudables pratos salgados. Feiraco ofrece unha amplia gama de produtos para enriquecer as túas comidas como o noso leite 100% galego, certificado coas máximas garantías de calidade, e a nosa nata para cociñar Feiraco, un ingrediente fundamental para acompañar calquera alimento como carne, pescado ou verdura, con só un 18% de materia graxa e sen glute.
Se o que desexas é engadir un toque máis cremoso ás túas receitas, podes combinar ambos produtos co Queixo Feiraco D.O., grazas ao seu sabor suave e a súa textura tenra.
Empregar estes tres produtos para cociñar os teus pratos na casa con ingredientes frescos de tempada, será todo un acerto para o teu padal e a túa saúde. E agora que estamos en outono traemos dúas receitas destas datas para cociñar con Feiraco: Revolto de cogomelos e castañas, e Quiche de lacón con grelos.
Quiche de lacón con grelos
Ingredientes:
150 g de grelos cocidos
150 g de lacón cocido
Aceite de oliva virxe extra, sal e pementa
1 lámina de masa brisa
1 cebola pequena
4 ovos
150 ml de leite ou nata para cociñar Feiraco
150 g de queixo Arzúa-Ulloa Feiraco
Preparación:
• Forramos un molde coa masa brisa e cocemos no forno a 200ºC ata que estea dourada. Reservamos.
• Picamos a cebola e sofritimos uns minutos. Engadimos o lacón cocido e os grelos escorridos. Salpimentamos.
• Batimos os ovos e engadimos o leite e 100 g de queixo.
• Vertemos na masa primeiro o sofrito, a continuación o batido de ovos e leite, e por enriba queixo relado.
• Levamos a tarta ao forno a 200ºC, ata que estea callada.
Revolto de cogomelos e castañas
Ingredientes:
200 g Cogomelos de distintas variedades
200 g de castañas galegas
4 ovos
1 xorro de nata para cociñar Feiraco
1 ceboliña
Aceite de oliva, pementa e sal
4 rebanadas de pan galego
250 g de queixo Feiraco Arzúa-Ulloa
Preparación:
• Escaldamos as castañas en auga fervendo. Escorremos e envolvemos nun pano limpo para pelar a pel. Troceamos e fritimos en aceite de oliva. Deixámolas escorrer sobre papel de cociña.
• Gratinamos no forno as rebanadas de pan co queixo Feiraco Arzúa-Ulloa por riba.
• Pochamos a ceboliña picada. Cando estea transparente, engadimos os cogomelos limpos e troceados. Engadimos os ovos e nata batidos para o revolto. Salpimentar.
• Sobre o pan con queixo fundido, servimos o revolto e adornamos coas castañas.
Bó proveito!
Por que querer o leite a calquera idade?
O leite e os seus derivados destacan polo seu elevado contido de proteínas de alto valor biolóxico e ser fonte de calcio, minerais e vitaminas. O calcio é imprescindible para o crecemento e desenvolvemento do esqueleto nos primeiros anos, para así gozar duns ósos saudables ao longo da nosa vida. Ademais axuda a diminuir a graxa corporal, a mellorar o perfil lipídico do sangre, a aumentar a masa muscular e a mellorar a saúde cardiovascular. Na actualidade están a investigarse novos beneficios en relación cos péptidos bioactivos, o seu posible efecto hipotensor e as súas propiedades antimicrobianas, entre outros.