Proxecto Cattlecare, xestión TIC das granxas galegas CLUN

Nace o proxecto CATTLECARE, un sistema de xestión TIC das granxas galegas

  • As explotacións gandeiras modernizaranse mediante dispositivos que permitirán extraer patróns de comportamento das reses
  • Mellorarase a xestión dos recursos, como o alimento, mediante a automatización da loxística de distribución
  • O consorcio que o desenvolve está formado pola Cooperativa, as empresas tecnolóxicas Conexiona Telecom, Ictel Ingenieros e Gradiant, como entidade que dará soporte ao plan de actuacións

O proxecto CATTLECARE, impulsado por CLUN, a cooperativa de segundo grao nacida da unión de Feiraco, Os Irmandiños e Melisanto, marcará un antes e un despois na modernización TIC das explotacións gandeiras. A partir dun consorcio integrado polas empresas tecnolóxicas Conexiona Telecom, Ictel Ingenieros e Gradiant como entidade que dará soporte ao plan de traballo, CATTLECARE márcase como obxectivo a modernización das explotacións gandeiras galegas mediante o desenvolvemento de diversas ferramentas que permitan mellorar a súa xestión a distintos niveis.

O proxecto, analizado nunha Xornada Técnica na sede de Gradiant en Vigo, no Centro Tecnolóxico de Telecomunicacións de Galicia, pretende mellorar a monitoraxe das reses para extraer datos do comportamento do gando e poder establecer patróns de comportamento que permitan detectar anomalías ou que sexan indicadores de enfermidades, periodo de celo ou procesos de parto. Ademais, CATTLECARE permitirá mellorar a xestión dos recursos nas explotacións como o alimento, mediante a automatización e a optimización da loxística de distribución.

O proxecto, enmarcado no Programa Conecta PEME da Axencia Galega de Innovación (GAIN) e cun orzamento de máis de medio millón de euros, permitirá crear un dispositivo innovador que, colocado no gando, permitirá non só monitorar o seu grao de mobilidade senon tamén clasificar os tipos de actividades que realizan en cada momento. Ademais, exponse tamén a monitoraxe no tempo real do estado dos silos de penso a través de dispositivos non invasivos de fácil colocación.

Un consorcio con tres empresas multisectoriais e Gradiant

O consorcio que impulsará CATTLECARE está formado por CLUN, cooperativa de segundo grao formada por Feiraco, Os Irmandiños e Melisanto, que se beneficiará da aplicación desta innovación, e as empresas tecnolóxicas Conexiona Telecom e Ictel, deseñadora dos dispositivos.

Pola súa banda, Gradiant como entidade subcontratada dará soporte ás actividades de I+D específicas necesarias para o desenvolvemento do plan de traballo, como redes de comunicacións, sistemas IoT e deseño de dispositivos.

 

CLUN, Cooperativas Lácteas Unidas

cooperativa de segundo grao CLUN nace en xaneiro de 2017 da integración de Feiraco, Os Irmandiños e Melisanto con vocación de ser referencia no sector agrogandeiro galego. Aliñado cos grandes movementos cooperativos europeos, ten tres grandes obxectivos estratéxicos que contribúen á sustentabilidade da produción láctea: integración dos servizos técnicos financeiros para alcanzar unha maior eficiencia dos custos de produción, optimizar as subministracións e agregar volume para mellorar a cadea de valor e contribuír á súa estruturación. CLUN comercializa as marcas Feiraco, Únicla e Clesa.

 
Proxecto financiado pola Axencia Galega de Innovación.

Axuda concedida: 51.338,07€

 

Cociña con Feiraco dous pratos salgados

 

Os produtos lácteos como a nata e o leite son perfectos para cociñar deliciosos e saudables pratos salgados. Feiraco ofrece unha amplia gama de produtos para enriquecer as túas comidas como o noso leite 100% galego, certificado coas máximas garantías de calidade, e a nosa nata para cociñar Feiraco, un ingrediente fundamental para acompañar calquera alimento como carne, pescado ou verdura, con só un 18% de materia graxa e sen glute.

Se o que desexas é engadir un toque máis cremoso ás túas receitas, podes combinar ambos produtos co Queixo Feiraco D.O., grazas ao seu sabor suave e a súa textura tenra.

Empregar estes tres produtos para cociñar os teus pratos na casa con ingredientes frescos de tempada, será todo un acerto para o teu padal e a túa saúde. E agora que estamos en outono traemos dúas receitas destas datas para cociñar con Feiraco:  Revolto de cogomelos e castañas, e Quiche de lacón con grelos.

grafica-recetact31

Quiche de lacón con grelos

Ingredientes:

150 g de grelos cocidos 

150 g de lacón cocido 

Aceite de oliva virxe extra, sal e pementa

1 lámina de masa brisa 

1 cebola pequena 

4 ovos  

150 ml de leite ou nata para cociñar Feiraco 

150 g de queixo Arzúa-Ulloa Feiraco

Preparación:

• Forramos un molde coa masa brisa e cocemos no forno a 200ºC ata que estea dourada. Reservamos. 

• Picamos a cebola e sofritimos uns minutos. Engadimos o lacón cocido e os grelos escorridos. Salpimentamos. 

• Batimos os ovos e engadimos o leite e 100 g de queixo. 

• Vertemos na masa primeiro o sofrito, a continuación o batido de ovos e leite, e por enriba queixo relado.

• Levamos a tarta ao forno a 200ºC, ata que estea callada.

grafica-recetact30-01-01

Revolto de cogomelos e castañas

Ingredientes:

200 g Cogomelos de distintas variedades

200 g de castañas galegas

4 ovos

1 xorro de nata para cociñar Feiraco

1 ceboliña

Aceite de oliva, pementa e sal

4 rebanadas de pan galego 

250 g de queixo Feiraco Arzúa-Ulloa

Preparación:

• Escaldamos as castañas en auga fervendo. Escorremos e envolvemos nun pano limpo para pelar a pel. Troceamos e fritimos en aceite de oliva. Deixámolas escorrer sobre papel de cociña. 

• Gratinamos no forno as rebanadas de pan co queixo Feiraco Arzúa-Ulloa por riba.

• Pochamos a ceboliña picada. Cando estea transparente, engadimos os cogomelos limpos e troceados. Engadimos os ovos e nata batidos para o revolto. Salpimentar.

• Sobre o pan con queixo fundido, servimos o revolto e adornamos coas castañas.

Bó proveito!

Por que querer o leite a calquera idade?

O leite e os seus derivados destacan polo seu elevado contido de proteínas de alto valor biolóxico e ser fonte de calcio, minerais e vitaminas. O calcio é imprescindible para o crecemento e desenvolvemento do esqueleto nos primeiros anos, para así gozar duns ósos saudables ao longo da nosa vida. Ademais axuda a diminuir a graxa corporal, a mellorar o perfil lipídico do sangre, a aumentar a masa muscular e a mellorar a saúde cardiovascular. Na actualidade están a investigarse novos beneficios en relación cos péptidos bioactivos, o seu posible efecto hipotensor e as súas propiedades antimicrobianas, entre outros.

Continue reading “Por que querer o leite a calquera idade?”

Cociña con Feiraco unhas albóndigas con queixo Arzúa-Ulloa

Es quen de resistirte a unhas saborosas albóndegas? Se hai pequenos na casa, seguro que trunfas con este prato moi sinxelo de preparar. Con esta receita poderás acompañar  a carne picada da túa elección cun ingrediente único, saudable e ademais, ¡delicioso!
Co noso Queixo Arzúa–Ulloa Feiraco D.O. preparás unhas albóndegas ás que aportarás unha cremosidade inusual, aparte de ser aptas para celíacos porque non contén glute. Elaborado de forma artesanal con leite 100% galego, con este queixo daráslle un sabor único a un prato que seguramente volverás repetir 😉 Continue reading “Cociña con Feiraco unhas albóndigas con queixo Arzúa-Ulloa”

Feiraco ten un trato con Galicia

Feiraco fai un trato con Galicia

Desde a cooperativa de gandeiros facemos partícipes aos nosos consumidores dos valores propios que vertebran a nosa actividade: o orgullo de ser galegos, o coidado da contorna natural, a solidariedade e o traballo ben feito. Un traballo que ten unha gran recompensa: o mellor leite do mundo.

En Feiraco mantemos un firme compromiso coa calidade para ofrecerche os mellores produtos lácteos, saudables e elaborados de maneira responsable e sustentable só con leite galego 100% das nosas ganderías. Ademais, apostamos polo fomento do desenvolvemento económico e social de Galicia, dando valor e apoiando a produción gandeira dos nosos socios.

 

O noso segredo, os gandeiros

Feiraco pertence a un grupo de gandeiros galegos e o leite que se utiliza nos seus produtos procede exclusivamente das súas vacas.

Os nosos gandeiros son a chave da creación de Feiraco como cooperativa. Socios que souberon adaptarse aos cambios do paso do tempo e que fixeron posible a modernización do agro galego. Todos eles son a historia viva de Feiraco que axudaron, co seu esforzo, a construír a Galicia de hoxe.

Sabías que a Cooperativa Feiraco está formada por 2.114 socios e 490 ganderías que nos entregan leite, todas elas situadas en Galicia?

Este é o segredo dos nosos produtos lácteos e do mellor leite do mundo. Gózaos.

Cociña con Feiraco unhas madalenas de nata

Os iogures e o leite son bos sustitutos da nata en múltiples receitas, mais a nata para bater Feiraco aporta un sabor e textura singulares aos vosos pratos coa que marcaredes a diferenza. De cando en vez, agradécense receitas como biscoitos, bicas, tortas e mesmo madalenas con nata, como as que vos presentamos hoxe. Continue reading “Cociña con Feiraco unhas madalenas de nata”

A Fundación Feiraco co empoderamento en feminino

Obradoiro para o empoderamento da muller como persoa socia da cooperativa é o título do ciclo de sesións que acolle a Rede Eusumo na Fundación Feiraco este verán. Os técnicos especialistas da Asociación Galega de Cooperativas Agroalimentarias (AGACA) son os encargados de impartir as 7 sesións das que consta o programa.

Continue reading “A Fundación Feiraco co empoderamento en feminino”