FEIRACO renova a súa imaxe co campo galego como protagonista

  • FEIRACO presenta a súa nova imaxe cun deseño actual, reflexo dos valores da maior cooperativa láctea de Galicia: cooperativismo, rural e naturalidade.
  • Unha actualización que será visible nos envases da marca, agora, protagonizados polos gandeiros e gandeiras da cooperativa CLUN

FEIRACO estrea nova imaxe na que o campo galego e as persoas que o fan posible, son os grandes protagonistas. Nesta renovación, os gandeiros e gandeiras da cooperativa CLUN, a maior cooperativa láctea de Galicia, son o foco central, poñendo así en valor o seu traballo e compromiso coa produción dun leite 100% galego, de cooperativa e de calidade.

Fiel á súa esencia cooperativista, FEIRACO reforza con este cambio a súa identidade e aposta pola transparencia e a proximidade cos consumidores. Os novos envases destacan historias reais dos gandeiros e gandeiras da cooperativa CLUN, amosando a cara detrás dos seus produtos e do sector lácteo. Subliñando así a importancia de apoiar ao campo galego.

Un deseño que mira cara ao futuro, sen perder a esencia

“Con este novo deseño, modernizamos a nosa imaxe mantendo a esencia de FEIRACO, á que tantos galegos e galegas lle teñen cariño. Tíñamos claro que algún elemento icónico debía permanecer: a nosa vaca, elemento que acompaña á marca dende a súa orixe, segue presente, pero agora mira cara adiante, simbolizando o futuro”, destacan desde a cooperativa.

Cada novo envase de leite incluirá no seu lateral a fotografía de varios dos máis de 3.000 gandeiros e gandeiras da cooperativa CLUN, con presenza en máis de 80 concellos de toda Galicia, xunto cun pequeno texto sobre a súa historia e a súa vinculación co campo e a gandería. Ademais, incorporarase un código QR para acceder a máis información sobre cada gandeiro, achegando aos consumidores á realidade do sector lácteo galego.

Esta nova imaxe reforza o compromiso da marca coa orixe galega do leite e co apoio ao sector gandeiro, complementándose con outras frases que aparecerán nos envases, como:

  • “Mercando este leite, apoias directamente ao campo galego”.
  • “100% leite galego de cooperativa rural”.
  • “Coidamos cada paso, o mellor da nosa terra”.
  • “Propiedade de gandeiras e gandeiros”.

Con esta renovación, FEIRACO reafirma a súa aposta polo cooperativismo e polo leite galego de calidade, achegando aos consumidores unha marca que non só alimenta, senón que conta historias reais do campo e da gandería.

Porque, se algo diferenza á marca láctea é a súa histórica orixe cooperativa, que está agora máis presente, presumindo de quen fai posible que Galicia sexa terra de leite de calidade: gandeiros profesionais, dedicados e responsables co campo.

FEIRACO Lácteos firma o seu convenio colectivo ata 2026 cunha unanimidade dos sindicatos

  • Os representantes dos traballadores e a dirección de Feiraco Lácteos SL firmaron, na tarde do pasado xoves, 5 de decembro, o convenio colectivo co respaldo unánime dos sindicatos CIG (Confederación Sindical Galega) e UGT (Unión Xeral de Traballadores)
  • Este firma reflexa o bo entendemento e a colaboración entre a empresa e os traballadores, principios fundamentais no marco cooperativo de Feiraco Lácteos.
  • Juan Gallástegui, director xeral de CLUN, destaca que o novo convenio “fortalece a cohesión e o benestar no noso proxecto colectivo de poñer en valor o rural galego”

A dirección de Feiraco Lácteos e os representantes renovaron o convenio colectivo da empresa por un período de tres anos, o que asegura a súa vixencia ata decembro do 2026. O acordo, que beneficia a unha centena de traballadores foi firmado de xeito unánime polos sindicatos con representación na empresa: a CIG (Confederación Sindical Galega) e a UGT (Unión Xeral de Traballadores).

Este convenio é un reflexo dos principios cooperativos de Feiraco Lácteos, onde a colaboración, o compromiso mutuo e a cohesión son esenciais para o bo funcionamento desta empresa, que forma parte da Cooperativa CLUN. O acordo subraia o compromiso coa igualdade, a conciliación, a seguridade e a flexibilidade, proporcionando un marco de estabilidade que recoñece o esforzo colectivo e o traballo en equipo. O acordo acadouse grazas á confianza mutua, co compromiso de adaptarse ás tendencias laborais actuais e coa visión de seguir crecendo xuntos como parte da cooperativa CLUN.

Juan Gallástegui, director xeral de CLUN, señalou “este convenio reflexa o espírito cooperativo que caracteriza a Feiraco Lácteos e a toda a cooperativa CLUN, onde a colaboración e o esforzo conxunto entre todos os que a forman son esenciais para o desenvolvemento e a profesionalización iniciada en 2021”. Así mesmo “é un paso máis no noso compromiso coa innovación, a dixitalización e a mellora da produtividade, sempre co enfoque de fortalecer a cohesión e o benestar de todos os que formamos parte deste proxecto colectivo que busca poñer en valor o rural galego”.

Feiraco regresa ás camisetas do RC Deportivo 24 anos despois

  • A imaxe da marca de leite cooperativo estará presente no lombo da camiseta branquiazul
  • O novo porteiro, H. Leite, protagoniza o vídeo da presentación do patrocinio de FEIRACO.

 

A marca de leite FEIRACO volve ás camisetas da vestimenta do club deportivista da Coruña. Vinte e catro anos despois de protagonizar a camiseta blanquiazul do Real Club Deportivo de A Coruña durante oito temporadas inesquecibles para os coruñeses, FEIRACO regresa á equipación deportivista para esta temporada 2024-2025.

No partido da xornada 3 de LALIGA HYPERMOTION que se celebra o domingo 1 de setembro, o RC Deportivo xoga en Riazor contra o Racing Ferrol, os de Riazor estrearán as camisetas con logo de FEIRACO, desta volta non no frente da camiseta, senon na parte traseira, xusto enriba do nome dos xogadores.

Máis dun LEITE no RC Deportivo

A comunicación deste patrocinio realizouse nun simpático vídeo moi compartido en redes sociais e coa complicidade dunha das últimas fichaxes do RC Deportivo: o porteiro brasileiro Helton Leite. Na peza audiovisual o porteiro aparece coa camiseta na que se le o seu apelido “LEITE”. Mentres todos os espectadores pensan que se está a falar de Helton, o vídeo desvela que no RC Deportivo, agora, hai máis dun leite, desvelando finalmente o logotipo FEIRACO enriba do apelido do xogador. 

Un regreso moi esperado

A afición deportivista ten demostrada a súa devoción polo combo FEIRACO-RC Deportivo en moitas ocasións. Unha das últimas foi coa edición limitada da camiseta do Dépor verde co logotipo FEIRACO que provocou longas filas na Deportienda e se esgotaron en cuestión de días. 

As mostras de apoio ó regreso desta marca á vestimenta do equipo coruñés faise notar con cada oportunidade nas redes sociais, onde se recollen miles de publicacións (algunhas moi enxeñosas) e peticións para que FEIRACO regrese como patrocinador. Unha comunidade que seguro celebrará que a marca de leite de cooperativa regrese ás camisetas como un dos patrocinadores premiums.

Sobre Feiraco e o RC Deportivo

FEIRACO cónvertese en patrocinador principal do RC DEPORTIVO na temporada 1992-1993, protagonizando dende aquela a camiseta blanquiazul durante oito temporadas consecutivas. 

Neste período 1992-2000 de convivencia FEIRACO e RC DEPORTIVO o club coruñés pasou a ser coñecido como: o Superdepor. Logrando figuras do fútbol que pasaron a historia como Bebeto, Mauro Silva ou Djaminha e con entrenadores tan queridos como Arsenio Iglesias, ou como Javier Irueta. Alcanzaronse tamén importantes títulos como a Copa do Rei (1995) ou campións de liga (99-00).

FEIRACO entrega os premios do XII Certame de Microrrelatos, que convoca para promover o uso da lingua galega

Feiraco, entregou esta mañá os premios aos gañadores do XII Certame de Microrrelatos, un concurso cada ano máis consolidado de Feiraco e que se celebra con motivo da conmemoración do Día das Letras Galegas para promover o coñecemento, o uso e a divulgación do idioma galego. Un certame consolidado que nesta edición sumou un cento de participantes de toda Galicia, así como a participación do alumnado de oito centros educativos. Como explicou Jessica Rey foron “relatos de moi distinta natureza e temática” que en gran medida representaban a realidade cotiá social na que vivimos, dende violencia de xénero, amizade, asasinatos e desaparicións, enfermidades como alzheimer, morriña… Unha importante parte dos galardóns foron para a provincia de Ourense, os tres da categoría xuvenil e o segundo premio da de adultos; mentres que os dous restantes de adulto recaeron na provincia de A Coruña.

Neste acto participaron o director de desenvolvemento de negocio de CLUN, Roberto Casas; o secretario xeral da Lingua, Valentín García; o fundador da Librería Follas Novas, Rafael García; e a directora de Marketing e Comunicación de CLUN, Jessica Rey. Nel entregáronse os galardóns deste XII Certame de Microrrelatos, no que participaron alumnos e alumnas de Secundaria de oito centros educativos de Galicia na categoría xuvenil e case un cento de persoas na que categoría de maiores de 18 anos.

Jessica Rey puxo en valor a creatividade e a calidade dos relatos gañadores e destacou a gran participación que recibiu esta edición do certame. Pola súa banda, Valentín García destacou “a boa saúde e aceptación do Certame de Microrrelatos grazas o seu elevado índice de participación” –ademais engade- “esta promoción da lingua galega faise dende una marca de prestixio como é Feiraco

Premiados

As persoas galardoadas nesta edición de 2024 na categoría de adultos foron:

José Alvite Lema (de Negreira, A Coruña) acadou o primeiro premio con Púxenme a escoitar no silencio da noite”. Un relato nun momento de insomnio dun escritor co soño de ser lido e no que lembra tempos pasados.

O segundo foi para Pablo Nogueira Campo (O Carballiño, Ourense) con “A liña do fronte”, unha emotiva narración sobre o alzheimer dun coronel do exército.

A terceira posición recaeu en Manuel Felípez Collazo (A Coruña) e o seu “Loliño” no que amosa a morriña da súa infancia na aldea.

A categoría xuvenil recaeu completamente en centros ourensáns.

Así “Unha noite no parque” de Miguel Salgado Abraldes, do CPI Virxe da Saleta (San Cristovo de Cea, Ourense) converteuse no ganador desta edición cun relato sobre desaparicións e asasinatos de tres rapaces nun parque.

Seguido de  Analía Baloira Núñez con “Os campos de Galicia” toda unha declaración de amor a terra e o rural galego.

Finalmente,  Noa Rodríguez Pájaro con “Xustiza pola mán” que trata sobre a violencia de xénero e a amizade. Ambos os dous do IES Xermán Ancochea Quevedo (Trives, Ourense).

Todos eles presentaron creacións literarias breves, de menos de 500 palabras, escritas en galego e comezando coa frase “Púxenme a escoitar…” , verso dun dos poemarios de Luisa Villalta, como homenaxe á escritora, a quen este ano se lle dedicou o 17 de maio. Os relatos poden consultarse na web www.feiraco.es

Os seis premiados recibiron un lote de produtos FEIRACO. A maiores, o primeiro premio de cada categoría recibiu un ano de libros en galego e un agasallo especial: unha vaca suxeita-libros feita por un artesán galego en madeira de bidueiro; o segundo premio levou un ano de libros en galego; e o terceiro premio recolleu unha selección de libros de Luisa Villalta.

O xurado do XII Certame de Microrrelatos conformado por FEIRACO e a Secretaría Xeral de Política Lingüística, seleccionou os tres relatos premiados de cada categoría de acordo con tres criterios: orixinalidade e creatividade da historia, redacción coidada e uso correcto da lingua galega. Unha decisión que nesta edición foi especialmente difícil, debido á calidade dos relatos presentados, polo que todos os presentes no acto de entrega dos galardóns coincidiron á hora de felicitar ao xurado pola súa labor.

Coa entrega destes premios, CLUN pon o broche de ouro aos actos de conmemoración do Día das Letras Galegas. Unha iniciativa que este ano incluíu unha campaña para promover a Leiteratura entre a cidadanía galega, como forma de reivindicar o a literatura en galego e o consumo de leite, como dous dos produtos máis excelentes que se producen na nosa terra.

Deste xeito, a cooperativa volve deixar constancia da total identificación da compañía e das súas marcas con Galicia, coa cultura galega e co rural galego. Un compromiso coa identidade patrimonial, cultural e tradicional da nosa terra que tamén se recolle noutras campañas estacionais como a celebrada recentemente co gallo do Entroido.

Feiraco é unha empresa láctea integrada en CLUN, cooperativa rural galega, e a maior cooperativa leiteira de Galicia, que conta con máis de 3.000 socios,  cunha facturación de preto de 267 millóns de euros en vendas no 2023, sendo este o mellor balance da súa historia, e con presenza en 65 países.

Co San Xoán, comeza o verán!

En Feiraco, celebramos as festas da nosa terra. Festas cheas de tradicións coma o San Xoán ? E co San Xoán, xa sabes, comeza o verán e hai que celebralo!

Por iso, temos un regalo especial de verán para todos vós: unha pelota para xogar na praia, ou onde ti queiras este verán!

 

Poderás conseguila de diferentes xeitos:

? Participando nos sortemos que realizaremos nas nosas redes sociais

?Mercando unha caixa de leite en diferentes supermercados de Galicia

?Uníndote ao Club Feiraco e participando nos nosos sorteos

 

Faite coa túa pelota Feiraco, e comeza a desfrutar de todas as cousas marabillosas do verán galego! ☀️

Co San Xoán, comeza o verán! ?☀️

Gañadores XII Certame de Microrrelatos

Foron moitos os relatos fermosos que nos chegaron este ano para festexar o Día das Letras galegas, costounos moito elixir os gañadores, pero estes son, finalmente os relatos elixidos como favoritos  polo noso xurado en cada unha das categorías:

CATEGORÍA ADULTA: 

1º POSTO: Púxenme a escoitar no silencio da noite

Ler aquí o relato

2º POSTO: A liña de fronte

Ler aquí o relato

3º POSTO: Loliño

Ler aquí o relato

CATEGORÍA XUVENIL: 

1º POSTO: Unha noite no parque

Ler aquí o relato

2º POSTO: Os campos de Galicia

Ler aquí o relato

3º POSTO: A xustiza pola man

Ler aquí o relato

FEIRACO tira da afección para felicitar ao Dépor cunha “aliñación de momentos inesquecibles cara ao ascenso”

Logo de preguntar en redes á afección, elaboramos unha aliñación cos once momentos clave do ano, tirando dos valores de equipo que compartimos: “Todo se decide no campo”.

Lanxamos unha enxeñosa e emotiva iniciativa na que felicitamos ao deportivismo polo regreso á Segunda División cunha aliñación de momentos inesquecibles cara ao ascenso, once acontecementos memorables propostos pola afección do club herculino.

Desde inicios da semana pasada, as rúas da Coruña enchéronse de mensaxes de FEIRACO que a afección deportivista de seguro recoñecerá ao instante.

Trátase dun repaso polos once momentos clave nos que o éxito do equipo de decidiu no campo.

A aliñación de momentos inesquecibles cara ao ascenso 

Nas redes sociais, e durante os últimos partidos do Dépor, preguntamos á afección polos acontecementos da tempada máis celebrados, aqueles días clave nos que todo se decidiu no campo, en referencia aos valores de equipo e cooperativa que o Dépor e FEIRACO comparten, como recolle no seu claim: “Todo se decide no campo”.

Así, man a man coa afección conformouse unha “aliñación de once momentos inesquecibles cara ao ascenso” do Dépor, que loce nas rúas da Coruña e tamén na web 11momentos.feiraco.es . Estes acontecementos claves para entender o éxito do Dépor nesta tempada recollen tanto actuacións individuais como os logros do equipo e o papel crucial da afección deportivista.

Algúns dos momentos deste once titular do deportivismo louvan as paradas de Germán Parreño, as carreiras de Mella, o regreso de Yeremay, os goles de Lucas Pérez, os desprazamentos masivos da afección ou a xornada na que Riazor bateu o récord de asistencia na categoría. Todos, na web.

Unha tote bag exclusiva 

Como colofón á campaña, lanzamos unha tote bag exclusiva coas franxas branquiazuis que a afección pode conseguir de varias formas. Xa está dispoñible en varios supermercados da cidade da Coruña e Lugo, de balde pola compra dunha caixa de leite FEIRACO.

Os supermercados nos que se atopa esta promoción son: Froiz (Cuatro Caminos e Granxal), Eroski (rúa Isaac Peral, rúa Perez Cepeda e rúa Illas Sisargas), Gadis (Avenida Mariña, Pocomaco e Cuatro Caminos); Carrefour Alfonso Molina, Alcampo Coruña e no Carrefour de Lugo.

Ademais, sortearemos varias unidades entre as persoas subscritas ao Club Feiraco e tamén entre os seguidores das nosas redes sociais.

Parabéns, deportivistas, polo conseguido no campo

Para felicitar a todos os deportivistas polo tan desexado ascenso, enchemos A Coruña con momentos inesquecibles desta tempada.

Preguntámoslle á afección cales foron os momentos nos que todo se decidiu no campo, e de todos eses momentos, escollemos 11 para crear a aliñación dos once momentos inesquecibles cara ao ascenso. 11 acontecementos únicos e memorables nos que todo se decidiu no campo que xa podes atopar repartidos por toda A Coruña.

E por suposto, tíñamos que ter un agasallo exclusivo e inesquecible para celebrar con todos vós este ascenso: creamos unha tote bag edición limitada FEIRACO. 

Tes moitas formas de conseguir unha tote bag coma esta:

  • Mercando unha caixa de leite en diferentes supermercados de A Coruña
  • Completando o formulario que atoparás na web 11momentos.feiraco.es
  • Estando moi atento ás nosas redes sociais, nela sortearemos varias!

De novo, de parte de todo o equipo FEIRACO: parabéns deportivistas polo conseguido no campo! 

Feiraco celebra o Día das Letras Galegas cunha nova edición do Certame de Microrelatos

  • O director xeral de CLUN e o secretario xeral da Lingua da Xunta presentaron esta edición na librería compostelá Follas Novas
  • A presentación correu a cargo de Esther Estévez, madriña desta iniciativa e coñecida comunicadora do “Digocho eu” da TVG
  • O certame trata de chegar a toda a poboación galega con dúas categorías, unha para adultos e outra para estudantes

O XII Certame de Microrrelatos Feiraco para celebrar o Día das Letras Galegas foi presentado esta mañá na librería compostelá Follas Novas. O obxectivo é contar coa maior participación posible da sociedade galega a través de dúas categorías, unha para adultos e outra para estudantes. Así o anunciaron o director xeral de CLUN, Juan Gallástegui; o secretario xeral da Lingua, Valentín García; a directora do departamento de Marketing e Comunicación de CLUN, Jessica Rey; Rafael Silva, fundador da Librería Follas Novas; e a comunicadora do coñecido programa de divulgación lingüística da galega “Digocho Eu”, Esther Estévez, como madriña desta iniciativa por segundo ano, durante un almorzo cos medios de comunicación na librería Follas Novas.

FEIRACO e a Consellería de Cultura, Lingua e Xuventude buscan con a duodécima edición deste certame promover a lectura en galego á vez que o coñecemento, e o uso e a divulgación do idioma galego.Na anterior edición, que contou cunha boa participación, gañaron os colexios CEIP Nosa Señora das Dores, de  A Coruña, e IES Urbano Lugrís, de Pontevedra.

Practica a “Leiteratura”

A directora de Marketing e Comunicación de CLUN, Jessica Rey, explica que “con este certame queremos reivindicar a lectura facendo un chamamento a practicar a Leiteratura. Xa que a lectura e o leite maridan moi ben, e aportan noso momento de desconexión diario que precisamos.Leiteratura é un momento para deixar as pantallas e dedicar á lectura. Recuperando ese espazo que os móbiles, ás veces sen darnos conta, rouban á lectura. Practicar a Leiteratura alimenta! Alimenta o corpo, grazas ó leite e alimenta a imaxinación, o coñecemento e a nosa mente, grazas á literatura.”

Juan Gallástegui, director xeral de CLUN, destaca que “o leite e a literatura son dous dos principais produtos de Galicia. A súa unión fala de pasado, presente e futuro. Fala dos galegos e galegas e do que somos quen de conquerir co esforzo de cada día. E que mellor día para celebrar este propósito que o Día das Letras Galegas”.

Pola súa banda, o secretario xeral da Lingua, Valentín García, salientou a novidade desta edición, que inclúe por primeira vez a participación do público adulto “pero sen deixar de lado á mocidade, na que radica o futuro da nosa lingua e á que alentamos sempre a soñar, crear e imaxinar na lingua propia ao igual que no seu día fixo Luísa Villalta”.

Dúas categorías

Aqueles que queiran participar neste certame e conmemorar o Día das Letras Galegas, dedicado a poetisa talentosa Luisa Villalta xa poden preparar os seus  relatos. Estes deberán ser orixinais, estar escritos en galego, ter un máximo de 500 palabras e de temática libre, coa única condición de que a historia comece coa frase: “Púxenme a escoitar…”.

As persoas participantes na categoría de adultos(maiores de 18 anos) deberán subir os seus escritos en formato PDF á web https://leiteratura.feiraco.es/ do 23 de abril ao 18 de maio. No caso da categoría xuvenil (entre 12 e 18 anos), será o profesorado de cada centro educativo galego quen seleccionará o mellor relato presentado polo alumnado e o subirá entre o 8 de abril ao 18 de maio ao mesmo sitio web.

Un xurado conformado por persoal de FEIRACO e da Secretaría Xeral da Lingua seleccionará os tres relatos premiados de cada categoría de acordo a tres criterios: orixinalidade e creatividade da historia, coidada redacción e uso correcto da lingua galega. Todas as persoas premiadas levarán un lote de produtos FEIRACO. A maiores, o primeiro premio sumará un ano de libros en galego e un agasallo especial:unha vaca suxeitalibros de FEIRACO feita por un artesán galego en madeira de bidueiro; o segundo premio levará un ano de libros en galego; e o terceiro premio incluirá unha selección de libros de Luisa Villalta.

 

Estas Letras Galegas… Practica a Leiteratura!

A Leiteratura é un recordatorio para que cada día, todos os días, adiquemos un momento para nós. Un momento no que procuremos un bo libro, cunha cunca de leite morno, un lugar de calma e desconectemos para practicar a nosa sesión diaria de Leiteratura.

A Leiteratura quere animar a lectura como hábito de todos os días. Para recuperar o control do noso propio tempo. E para manter viva a nosa lingua.

Leiteratura é un momento para deixar as pantallas e dedicar á lectura. Recuperando ese espazo que os móbiles, ás veces, sen darnos conta rouban á lectura. Practicar a Leiteratura alimenta! Alimenta o corpo, grazas ó leite e alimenta a imaxinación, o coñecemento e a nosa mente, grazas á literatura.

O leite e a literatura son dous dos principais produtos de Galicia. A súa unión fala de pasado, presente e futuro. Fala dos galegos e galegas e do que somos quen de conseguir co esforzo de cada día. E que mellor día para celebrar este propósito que o Día das Letras Galegas.

XII Certame de Relatos Breves de Feiraco

Practicar a Leiteratura e fomentar a nosa lingua é importante, cada día. E escribir é unha das mellores formas de dar vida a nosa lingua. Por iso,desde Feiraco, como cada ano polo Día das Letras Galegas celebramos o XI Certame de Relatos Breves.

Aqueles que queiran participar neste certame e conmemorar o Día das Letras Galegas, dedicado a poetisa Luisa Villalta xa poden preparar os seus relatos. Estes deberán ser orixinais, estar escritos en galego, ter un máximo de 500 palabras e de temática libre, coa única condición de que a historia comece coa frase: “Púxenme a escoitar…”

Xa podes subir o teu relato á web leiteratura.feiraco.es , nesta páxina atoparás toda a información sobre o certame!