CLUN, primeira láctea española coa certificación Carbón Neutral nos seus envases Pure-Pak®

  • Os envases Pure-Pak® das marcas Feiraco e Únicla inclúen este selo, que garante a redución a cero das emisións de CO2 no seu proceso de fabricación
  • A cooperativa é, unha vez máis, pioneira coa incorporación deste distintivo, co que deixará de emitir ao redor de 1.650 toneladas de dióxido de carbono ao ano

Continue reading “CLUN, primeira láctea española coa certificación Carbón Neutral nos seus envases Pure-Pak®”

XIRO DE 360º NOS NOVOS ENVASES DOS LEITES FEIRACO E ÚNICLA DE CLUN

 

  • Os novos envases para as marcas Feiraco e Únicla, que estarán no mercado esta semana, destacan pola súa alta innovación, fácil manexo e práctico sistema de encartado que favorece a reciclaxe do produto
  • Trátase do primeiro envase Pure-Pak® Sense Aseptic para lácteos de longa vida en todo o sur de Europa, procedente de bosques sustentables
  • CLUN destina máis de 3,2 millóns de euros a este lanzamento na súa aposta por ofrecer unha mellor experiencia de consumo e a solidez da integración cooperativa 

Ponte Maceira, 09 de outubro de 2017.-

A cooperativa de segundo grao Cooperativas Lácteas Unidas (CLUN), nacida da integración de Feiraco, Os Irmandiños e Melisanto, revoluciona o packaging dos lácteos co lanzamento do seu novo envase para os leites Feiraco e Únicla. Dispoñible no mercado a partir desta semana, o novo formato de Elopak Pure-Pak® Sense Aseptic, primeiro para lácteos de longa vida no sur de Europa, posúe características altamente innovadoras que facilitan o seu uso, favorecendo a vertedura e evitando o goteo. Ademais, contribúen á reciclaxe do produto grazas ao seu práctico sistema de encartado; e proceden de bosques sustentables, fieis á responsabilidade ambiental de CLUN.

Trátase, por tanto, dun formato novo e singular dentro da categoría de leites en España que denota maior frescura e naturalidade ao ser o envase por excelencia do produto fresco.

Os novos e innovadores envases utilizaranse para toda a gama de produtos das marcas Feiraco e Únicla, obedecendo á aposta da cooperativa pola innovación visual e funcional, dirixida a mellorar a experiencia de consumo. Un investimento de máis de tres millóns de euros sitúa esta operación como o primeiro gran paso de CLUN desde o seu nacemento, o pasado mes de xaneiro.

O lanzamento dos novos envases enmárcase nunha ampla campaña de difusión en punto de venda e en diferentes soportes e canles informativas, tanto tradicionais como dixitais, e en diversos formatos (insercións publicitarias, anuncios, guías audiovisuais, etc.), activa desde este mesmo mes de outubro.

Sobre CLUN

A cooperativa de segundo grao CLUN nace en xaneiro de 2017 da integración de Feiraco, Os Irmandiños e Melisanto con vocación de ser referencia no sector agrogandeiro galego. Aliñado cos grandes movementos cooperativos europeos, ten tres grandes obxectivos estratéxicos que contribúen á sustentabilidade da produción láctea: integración dos servizos técnicos financeiros para alcanzar unha maior eficiencia dos custos de produción, optimizar as subministracións e agregar volume para mellorar a cadea de valor e contribuír á súa estruturación. CLUN comercializa as marcas Feiraco, Únicla e Clesa.

 

Sobre Elopak

Elopak-empresa norueguesa propiedade do Grupo Ferd (un dos grupos industriais privados máis grandes de Noruega) – é un provedor líder en solucións de envasado de cartón complexo para alimentación líquida.

Tras 60 anos de continua expansión e crecemento, Elopak é na actualidade unha corporación global que opera con clientes en máis de 80 países. Ademais, o Grupo Elopak busca desenvolver continuamente a súa oferta de produtos co obxectivo de adaptarse ás demandas cambiantes do mercado. http://www.elopak.com/

Establecida en España desde 1981, Elopak ofrece aos seus clientes servizos tanto comerciais e de mercadotecnia como un servizo técnico completo.

to

Sigue a nosa toalla viaxeira!

Cando dicimos que temos os mellores fans de todo o mundo mundial, non esaxeramos!

Como ben sabedes, este ano propuxémonos encher as praias de Galicia coas nosas #ToallasFeiraco e nada nos fai máis ilusión que recibir as vosas fotografías amosándonos o periplo da toalla viaxeira. Que gusto da ver o ben que están pacendo as nosas vaquiñas este ano nos areais galegos, piscinas e terrazas! Continue reading “Sigue a nosa toalla viaxeira!”

Feiraco premia as Letras Galegas

  • Feiraco celebrou o 4 de xullo o acto de entrega dos galardóns correspondentes ao tradicional certame literario que convoca con motivo do Día das Letras Galegas.
  • Os gañadores da VI edición do certame de Microrrelatos de Feiraco foron Vili Rei, Alba Sánchez e Ariadna Fernández, na categoría de adultos; e Candela Millán, Ana Rosa Cantalejo e Alba Suárez, na de xuvenil.
  • No acto de entrega participaron, entre outros, o secretario Xeral de Política Lingüística, o académico da Real Academia Galega, o administrador da Fundación Carlos Casares, o vicepresidente e director da división láctea de CLUN e o ilustrador Siro López.

Feiraco entregou os galardóns aos gañadores do seu xa tradicional certame literario, que se celebra cada ano con motivo do Día das Letras Galegas. No acto participaron o secretario Xeral de Política Lingüística, Valentín García; o académico da Real Academia Galega, Xesús Ferro Ruibal o administrador da Fundación Carlos Casares, Häkan Casares; o vicepresidente e director da división Láctea respectivamente de CLUN, José Montes, Pablo Gómez, así como o ilustrador Siro López, que asinou bricks conmemorativos das Letras Galegas 2017 coa caricatura de Carlos Casares debuxada por el.

Todos os presentes recordaron a Carlos Casares con emotivas palabras e narraron anédcdotas que só os seus achegados e familiares, tamén presentes, podían coñecer.

Os galardoados desta edición de 2017 foron Vili Rei por O cantil cala, Alba Sánchez por Pan duro, e Ariadna Fernández por O mar, na categoría de adultos; e Candela Millán, Ana Rosa Cantalejo por Morriña e Alba Suárez por Nun recuncho do ceo, na de xuvenil.

Todas elas son composicións literarias breves, de ata 500 caracteres, que comezan pola frase da obra Deus sentado nun sillón azul “E alí estaba, sentado nun sillón azul” como xeito de homenaxe ao xornalista e escritor Carlos Casares ao que este ano se lle dedicou o 17 de Maio. Seu fillo, Häkan Casares, indicou que o autor sempre estivo preocupado por promover e potenciar novos talentos literarios.

O certame, cada ano máis consolidado e con participacións de moita calidade, incorporou como novidade esta edición unha nova categoría, a xuvenil, coa finalidade de fomentar a creación literaria en galego entre os máis novos. Entre os premios figuran diferentes seleccións de libros, entre os que se inclúe a Enciclopedia Galega Universal, ademais dunha escolma de obras literarias en galego, e variados lotes de produtos de Feiraco.

Guinda á conmemoración do Día das Letras Galegas

Con esta entrega de premios, Feiraco ponlle a guinda á conmemoración que cada ano leva a cabo polo Día das Letras Galegas. Unha iniciativa que reflicte o compromiso de CLUN co idioma propio, deixando constancia da plena identificación da compañía e as súas marcas con Galicia e os seus valores. Exemplos desta aposta pola identidade patrimonial, cultural e tradicional de Galicia, son as campañas estacionais do Entroido ou San Xoán.

Este verán presume de toalla Feiraco!

Xa sabedes que en Feiraco sempre estamos argallando concursos e promocións nas nosas redes sociais para premiar a vosa fidelidade! E por suposto, gústanos sumarnos a todas esas datas significativas do almanaque galego, como o Entroido, as Letras Galegas ou o San Xoán. E precisamente este San Xoán quixemos premiar a todos os nosos seguidores/as galegos/as cun sorteo moi especial: 300 toallas personalizadas Feiraco para encher este verán as praias de Galicia.

Continue reading “Este verán presume de toalla Feiraco!”

Feiraco: Promoción Facendo País

Se algo temos os galegos é unha capacidade innata para presumir da terriña alá onde vamos. E en Feiraco queremos axudarche a seguir Facendo País! Sorteamos 5 premios valorados en 2.000 euros cada un para que leves a túa galeguidade polo mundo!  Continue reading “Feiraco: Promoción Facendo País”

Letras Galegas 2017 con sabor a Feiraco

  • A cooperativa CLUN lanza unha edición especial dun millón de briks de leite Feiraco coa imaxe de Carlos Casares
  • Será posible descargar unha das obras literarias do autor homenaxeado a través do código QR que figura nos cartóns

Continue reading “Letras Galegas 2017 con sabor a Feiraco”

VI Certame de Microrrelatos Feiraco. Participa!

 

Gústache escribir? Amósanos o teu talento literario, concentrado nun relato breve de tan só 500 caracteres con espazos, e axúdanos a demostrar que as nosas letras están máis vivas que nunca!

Unidos polas nosas letras

Por sexto ano consecutivo queremos sumarnos á celebración das Letras Galegas, a festa máis importante da nosa literatura. E facémolo coa convocatoria dunha nova edición do noso xa tradicional Certame de Microrrelatos Feiraco, en colaboración coa Secretaría Xeral de Política Lingüística da Xunta de Galicia.

O 17 de maio non é una data calquera para nós: a lingua e a cultura galegas son parte do noso xeito de ser. Con este certame non só queremos renderlle homenaxe ao autor escollido este ano pola Real Academia Galega, Carlos Casares, senón tamén contribuír a seguir impulsando e potenciando o noso idioma. En Feiraco, agora como parte de CLUN (Cooperativas Lácteas Unidas) temos un firme compromiso con Galicia dende hai case 50 anos, que abrangue o noso método de traballo e os nosos valores.

Rolda de prensa oficial da presentación da VI edición do Certame de Microrrelatos Feiraco

Anímaste a participar? Sigue estes pasos!

E alí estaba, sentado nun sillón azul”. Como sigue esta historia?

Este é o punto de inicio a partir do cal tedes que escribir un relato en galego de ata 500 caracteres con espazos. A frase non é casualidade: é o noso particular tributo a Carlos Casares, tomando como inspiración o título dun dos seus libros máis coñecidos: “Deus sentado nun sillón azul”. Despois, só cómpre que o compartades con nós a través da aplicación do concurso dispoñible na nosa web.

Establecemos por primeira vez dúas modalidades de participación. Así, ademais da categoría de adultos (19 anos en adiante), inauguramos una categoría xuvenil (13 a 18 anos) para dinamizar a lingua e a creación literaria entre a mocidade.

Os primeiros premios de cada categoría recibirán cadanseu exemplar da Enciclopedia Galega Universal e os catro restantes, un lote de libros de literatura galega cedidos pola Secretaría Xeral de Política Lingüística, ademáis de produtos Feiraco.

Podedes participar ata o 17 de maio! Un xurado conformado por escritores, membros de Feiraco e da Secretaría Xeral de Política Lingüística escollerán os tres relatos gañadores de cada categoría, que se anunciarán o 5 de xuño.

Agardamos polos vosos relatos. Moita sorte!

 

[dt_divider style=”thin” /]

 

Gañadores Relatos Breves 2017

Noraboa aos gañadores do VI Certame de Microrrelatos Feiraco! Cada ano poñédesnolo máis difícil! Grazas a todos por participar!

CATEGORÍA ADULTOS

1º Premio. Vili Rei. 9,1 puntos

2º Premio. Alba Sánchez Ares. 9 puntos

3º Premio. Ariadna Fernández González. 8,9 puntos

CATEGORÍA XUVENIL

1º Premio. Candela Millán López. 9 puntos

2º Premio. Ana Rosa Cantalejo Marín. 8,5 puntos

3º Premio. Alba Suárez Fraga. 8,5 puntos

VI Certame de relatos breves FEIRACO

Gañadores Relatos Breves 2017

Noraboa aos gañadores do VI Certame de Microrrelatos Feiraco! Cada ano poñédesnolo máis difícil! Grazas a todos por participar!

 

CATEGORÍA ADULTOS

1º Premio. Vili Rei. 9,1 puntos

2º Premio. Alba Sánchez Ares. 9 puntos

3º Premio. Ariadna Fernández González. 8,9 puntos

 

CATEGORÍA XUVENIL

1º Premio. Candela Millán López. 9 puntos

2º Premio. Ana Rosa Cantalejo Marín. 8,5 puntos

3º Premio. Alba Suárez Fraga. 8,5 puntos