En Feiraco melloramos día a día buscando a calidade e a eficiencia, coa máxima garantía en todas as fases e procesos da cadea de valor. Por iso a innovación é un dos alicerces do noso crecemento, cun obxectivo fundamental: optimizar o perfil dos nutrientes do noso leite de forma natural, mediante a alimentación das nosas vacas, para poder ofrecerche produtos máis seguros, saudables e sabedeiros.
Para conseguilo, mantemos ano tras ano a nosa aposta pola innovación cun investimento de máis de 1,4 millóns de euros, dos cales máis do 42 % é investimento propio realizado dende Feiraco. Ademais, cooperamos con diferentes grupos de investigación tanto a nivel autonómico como nacional e internacional. Ademais, contamos co apoio da Unión Europea, a través do Fondo Europeo Agrícola de Desenvolvemento Rural (FEADER), y do Fondo Europeo de Desenvolvemento Rexional (FEDER) para a realización de diversos proxectos.
A innovación atinxe, polo tanto, a todos os nosos produtos, procesos e servizos e é o núcleo central de todas as operacións que se levan a cabo dende a cooperativa.
Búscase producir ideas nas que basear o proceso de creación de novos produtos e servizos ou mellorar os existentes, tendo en conta o capital humano, o coñecemento para transformar os recursos en produtos e servizos que satisfagan as novas necesidades tanto do mercado como da cooperativa e dos seus socios; o espírito empresarial capaz de aceptar riscos dun xeito organizado e a cooperación interna e externa.
En Feiraco apostamos por un modelo de innovación de principio a fin que permite controlar e optimizar todas as fases do proceso produtivo: dende a orixe ao consumidor; dende a granxa á mesa.
Un modelo 360º co que buscamos tanto a innovación industrial, na propia planta industrial de Feiraco, como a mellora da calidade dos solos; a diminución das emisións de gases de efecto invernadoiro derivadas do proceso de dixestión das vacas; o mellor perfil dos nutrientes do leite de forma natural e valorar a idoneidade das racións de pasto formuladas previamente.
SAÍDA. PLANTA INDUSTRIAL FEIRACO
A innovación industrial baséase na mellora dos procesos industriais co fin de minimizar o impacto no medio.
PASTO
Método Cornell Net Carbohydrate and Protein System, Cornell University, para a valoración da idoneidade de racións formuladas previamente.
AIRE
Diminución das emisións GEI. Minimízanse as emisións de gases de efecto invernadoiro derivadas do proceso de dixestión das vacas.
I+D+i. A MESTURA PERFECTA
Procúrase mellorar o perfil dos nutrientes do leite de forma natural mediante a alimentación animal, buscando alimentos máis seguros, saudables e sabedeiros.
SOLOS
Mellora da calidade dos solos. Diminúense os niveis de fósforo nos xurros, reducindo a eutrofización dos solos agrícolas.
Milktelligence aborda a necesidade do sector lácteo de mellorar a súa produtividade mediante a recollida de datos, sensorización e visualización de indicadores clave para a industria láctea. Por iso, este proxecto suporá importantes avances sobre o control de stocks nas ganderías, permitirá organizar o suministro por parte da empresa, así como relacionar o alimento en mal estado co rendimento produtivo.
Esta iniciativa pretende diseñar, desenvolver e validar unha nova plataforma colaborativa para os sectores primario e secundario que permita, a través do deseño de dashboards específicos, a toma de decisións áxiles en base a criterios de maximización de rendimento produtivo, sanidade animal e calidade de produtos.
Milktelligence é un proxecto estratéxico promovido polo Clúster Alimentario de Galicia (Clusaga), que implica dúas empresas tecnolóxica (PS Vet Dairyquality e Innogando) e tres empresas alimentarias (GALACTEUM, Feiraco e Cooperativa Agraria Provincial de A Coruña); e financiado no marco do programa de apoio a AEIs do Ministerio de Industria, Comercio e Turismo. O seu obxectivo xeral é promover a competitividade e a transición cara ao liderazgo dixital no sector lácteo.
Obxectivos específicos do proxecto
- Analizar as necesidades das granxas leiteiras en base á estratexia e mercado das industrias lácteas
- Definir e instalar a sensórica de recollida de datos nas granxas seleccionadas
- Desenvolver unha plataforma de recollida e analítica de datos
- Establecer os KPIs de interese para as granxas leiteiras e realizar os dashboards usando BI para a visualización dos mesmos
- Validar o funcionamiento e aplicabilidade dos dashboards nas granxas leiteiras e correxir as posibles desviacións