Con motivo da celebración do Día de Galicia, o 25 de xullo, Feiraco presenta unha nova identidade gráfica en colaboración con Son un Toxo, coa que busca homenaxear o sentimento de orgullo e amor pola terra que comparten os galegos e galegas.
A proposta visual, inspirada na icónica campaña turística I❤️NY , adáptase á realidade galega cunha mensaxe clara e concisa: ‘EU 💚 GALICIA’. A intención é trasladar esa expresión de afecto e pertenza á terra dun xeito simple, traducindo a mensaxe ao galego e coloreando de verde o icónico corazón.
A ilustración está visible nos lineais lácteos de distintos supermercados galegos, achegando a acción gráfica aos fogares.
Ademais, como parte da campaña, Feiraco pon en marcha diferentes accións promocionais e participativas nas que se pode conseguir os “souvenirs” co lema ‘EU 💚 GALICIA’. Por unha banda, nas redes sociais sortéanse cuncas e bolsas de tea coa ilustración conmemorativa. Por outra, os consumidores que adquiran unha caixa de leite Feiraco poden participar nun sorteo especial dos “souvenirs”. Para iso, deberán subir o tícket de compra e cubrir un formulario que se atopará na web feiraco.es.
Ademais, o día previo, xoves 24 de xullo, a partir das 16.00h, terá lugar unha acción especial no Carrefour de As Cancelas en Santiago de Compostela, no que se instalará un mural xigante coa iniciativa e convidarase ás persoas que se atopen no establecemento a deixar unha mensaxe de amor a Galicia nun post-it. Quen participe levará como agasallo unha cunca ou unha bolsa de tea.
Con esta campaña, Feiraco reforza o vínculo coa comunidade galega a través dunha proposta que pon en valor o orgullo e amor pola nosa terra.