Dende FEIRACO lanzamos unha edición limitada dunha cunca inspirada nas herbas típicas desta festividade.
Poderase conseguir durante o mes de xuño participando no sorteo organizado a través das nosas redes sociais oficiais ou comprando unha caixa de leite e cubrindo un formulario.
Presentamos, como cada ano, unha iniciativa para celebrar o San Xoán, unha das festas máis arraigadas e con máis maxia do calendario galego cunha acción coa que buscamos poñer en valor a tradición, o patrimonio cultural galego, a conexión coa terra e o respecto pola artesanía local e o feito a man.
Baixo o lema “O leite de sempre, na cunca de San Xoán”, lanzamos unha edición limitada dunha cunca inspirada nas sete herbas típicas desta festividade creada en colaboración con Laura Ventoso, artesá en Risoma Cerámica. Un coidado deseño no que se mestura delicadeza, identidade e respecto polas raíces, plasmando o que é todo un símbolo de tradición galega. Faise, deste xeito, unha homenaxe á terra, á tradición e ao feito a man.
Así pois, con esta iniciativa, desde FEIRACO tratamos de reivindicar o valor da cultura tradicional galega, da artesanía como forma de expresión e transmisión, e do vínculo emocional co territorio.
Como conseguir unha cunca de San Xoán?
A promoción estará activa ata o día grande desta festa, o 24 de xuño. As persoas interesadas poderán conseguir a súa cunca a través de dúas canles:
Participando no sorteo organizado nas redes sociais oficiais de FEIRACO en Instagram e Facebook.
Mercando unha caixa de leite FEIRACO:
- Merca unha caixa de leite (6 litros de calquera das nosas referencias)
- Fai unha foto do tícket de compra xunto coa caixa.
- Completa este formulario e sube o tícket de compra.
Con esta acción, reafirmamos o noso compromiso co medio rural e coa cultura galega, apostando pola colaboración con creadoras locais e pola visibilización das tradicións que forman parte do ADN do rural galego.