Mes: Xuño 2016
Vacacións Feiraco 2016
Feiraco lévate de vacacións este verán. Sorteamos 2.000 euros cada semana para as túas vacacións!
Desde xa e ata o 17 de xullo busca os nosos agrupadores de leite Feiraco enteiro, semidestanado e desnatado coa gráfica da promoción. Ti podes ser unha das 10 persoas afortunadas que reciba 2.000 euros para as súas vacacións 
Participar é moi doado
1º) Merca 2 caixas agrupadoras de leite Feiraco e recorta o código de barras identificativo da promoción que trae cada unha das caixas (non o dos cartóns de leite).
2º) Envía os 2 códigos de barras, xunto cos teus datos persoais completos (nome e apelidos, DNI e teléfono de contacto) ao Apdo. de Correos 78. 15864 – Ames, poñendo no sobre Promoción Vacacións Feiraco.
Cantas máis cartas envíes, máis posibilidades tes de gañar!!
Sorteos
Celebraráse un sorteo semanal entre o 16 de maio e o 24 de xullo de 2016. Os gañadores publicaránse nesta páxina web e na nosa páxina de Facebook.
Sorteo número 1: Realizado ante notario 19/05/2016
Sorteo número 2: Realizado ante notario 26/05/2016
Sorteo número 3: Realizado ante notario 2/06/2016
Sorteo número 4: Realizado ante notario 9/06/2016
Sorteo número 5: Realizado ante notario 16/06/2016
Sorteo número 6: Realizado ante notario 23/06/2016
Sorteo número 7: Realizado ante notario 30/06/2016
Sorteo número 8: Realizado ante notario 07/07/2016
Sorteo número 9: Realizado ante notario 14/07/2016
Sorteo número 10: Realizado ante notario 21/07/2016
Feiraco premia As Letras Galegas
- A Cooperativa celebrou hoxe o acto de entrega dos galardóns correspondentes ao tradicional certame literario que convoca con motivo do Día das Letras Galegas
- Os gañadores da edición 2016 foron Gael Pérez, Sergio Aller, Rosa Pérez e Andrea Fernández
- No acto de entrega participaron o conselleiro de Cultura, Educación e Ordenación Universitaria, Román Rodríguez, o presidente de Feiraco, José Montes, e o director xeral da cooperativa, José Luis Antuña
Ponte Maceira, 27 de xuño de 2016.- Feiraco, Sociedade Cooperativa Galega, fixo entrega hoxe dos galardóns aos gañadores do seu xa tradicional certame literario, que se celebra cada ano con motivo do Día das Letras Galegas. No acto participaron o conselleiro de Cultura, Educación e Ordenación Universitaria, Román Rodríguez, o presidente de Feiraco, José Montes, e o director xeral da cooperativa, José Luis Antuña.
Os galardoados desta edición 2016 foron Gael Pérez, por ‘Coma por coma’; Sergio Aller, por ‘Maldita palabra’; Rosa Pérez, por ‘Incompetencia amatoria’; e Andrea Fernández, por ‘Vellez namorada’. Todas elas son composicións literarias curtas, de ata 500 caracteres, que comezaban polo verso de Manuel María “Levamos toda a nosa vida amando a palabra…”, como modo de homenaxe á figura á que este ano se dedicou o 17 de Maio.
O certame está cada ano máis consolidado, acadando na presente edición a cifra máis alta de participantes. Os premios constaban de diferentes seleccións de libros, entre os que se incluía a Enciclopedia Galega Universal e unha escolma de obras literarias en galego, así como lotes de productos Feiraco.
Broche final á conmemoración do Día das Letras Galegas
Con esta entrega de premios, a cooperativa pon o broche final á conmemoración que cada ano leva a cabo do Día das Letras Galegas. Unha iniciativa que reflicte o compromiso de Feiraco co idioma propio, deixando constancia da plena identificación da marca con Galicia e cos seus valores.
Desde hai máis de 45 anos, Feiraco ten dado reiteradas mostras do seu compromiso con Galicia, tanto nos seus valores e métodos de traballo, tendentes a vertebrar o tecido social e o desenvolvemento económico, como nas actividades con proxección social que ten posto en marcha ao longo da súa historia.
Exemplos da súa aposta pola identidade patrimonial, cultural e tradicional de Galicia son a campaña que leva a cabo no Entroido, e que conta cada ano cunha boa acollida entre os consumidores, ou a serie ‘De onde vén o leite?’ pola que lles achega a realidade dos procesos produtivos a pé de campo a milleiros de escolares de toda Galicia.
Vive a aventura do Entroido con Feiraco!
Un ano máis, sumámonos a unha das festas máis importantes de Galicia personalizando os nosos envases de leite Feiraco. Nesta ocasión, inspirámonos en tres personaxes míticos que non faltan en ningún entroido: pirata, sheriff e superhéroe. Os nosos cartóns de leite enteiro, leite semidesnatado e leite desnatado toman os elementos típicos destes disfraces e vístense a toda cor para invitar aos galegos a gozar da celebración. Ademais da distribución desta edición especial dos briks, a campaña complétase con publicidade exterior e online, accións específicas nos puntos de venda e un concurso de receitas no noso perfil de facebook.
Feliz día das Letras Galegas 2014
Un ano máis, sumámonos á celebración do Día das Letras Galegas, unha data que en Feiraco sentimos moi próxima aos nosos valores corporativos de compromiso e vinculación con Galicia. Por iso, poñemos en marcha unha campaña específica que inclúe orixinais para prensa e publicidade dixital, protagonizados por esta vaca tan literata que creamos para a ocasión. Con esta acción, queremos felicitarlles o 17 de maio a todos os galegos e galegas e contribuír a poñer en valor a nosa lingua e a nosa cultura. No marco da campaña organizamos tamén o noso III Concurso de Relatos Breves en facebook, en homenaxe a Xosé María Díaz Castro.
Goza do San Xoán con Feiraco!
O San Xoán, co seu inconfundible aroma a sardiñas e cachelos, é unha das festas con maior arraigamento e tradición en Galicia. Este ano, en Feiraco quixemos sumarnos á celebración cunha campaña que inclúe orixinais para prensa, camisetas e un concurso específico no noso perfil de facebook. Xunto co resto de simboloxía asociada a esta data, o costume máis estendido é celebrar a noite do 23 de xuño ao redor dunha cacharela. Así é como quixemos plasmalo na gráfica da campaña, para a que nos inspiramos en todo un referente da cultura galega: Alfonso Daniel Rodríguez Castelao e o seu debuxo A roda de San Xoán, incluído no álbum Nós (1920).
O Entroido sabe a Feiraco 2013
Por segundo año consecutivo, en Feiraco distribuimos una edición especial de nuestros briks de leche con motivo de la celebración del Carnaval. En esta ocasión, los cartones de leche entera, leche semidesnatada y leche desnatada se vistieron de “cigarróns” y “peliqueiros”. La acción se completó con una cuña de radio, acciones específicas en medios online, mupis y vallas de la campaña en las principales ciudades y el regalo de seis modelos de máscaras en distintos supermercados de Galicia. También organizamos un concurso de cocina en Facebook.
Feiraco recoñece a investigación en desenvolvemento rural e cooperativismo co Premio Jesús García Calvo
- Un galardón co que se pretende homenaxear ao presidente de honra e fundador da Cooperativa, comprometido coa mellora da economía rural en Galicia e a reconversión do agro galego.
- Na modalidade de “Textos publicados en revistas científicas ou en editoriais recoñecidas”, a gañadora foi Araceli Freire Cedeira coa tese doutoral “Conflitividade social no medio rural galego (1939-1975): o caso dos montes veciñais en man común”
- Francisca Gago Guillán alzouse co premio na modalidade “Traballos Fin de Máster e Fin de Grao” con “Os modelos de aplicación do programa Leader 2007-2013 no Estado español”.
Ponte Maceira, 16 de decembro de 2014.- A Fundación Feiraco convocou, en colaboración co Instituto de Estudos e Desenvolvemento de Galicia (IDEGA) da Universidade de Santiago de Compostela, o Premio Jesús García Calvo de Investigación en Desenvolvemento Rural e Cooperativismo para premiar aqueles traballos de investigación que contribúan ao mellor coñecemento e ao desenvolvemento do medio rural e o cooperativismo en Galicia co fin último de mellorar a actividade económica e a calidade de vida da poboación rural.
O gañador desta primeira edición na modalidade de “Textos publicados en revistas científicas ou en editoriais recoñecidas” foi Araceli Freire Cedeira. Na modalidade de “Traballos Fin de Máster e Fin de Grao”, a agraciada foi Francisca Gago Guillán.
Ao acto de entrega, que tivo lugar hoxe, no Salón Nobre do Colexio de Fonseca e que estivo presidido polo reitor da USC, Juan Viaño, acudiron o presidente da Fundación Feiraco, José Montes; a presidenta do Consello Económico e Social de Galicia (CES), Corina Porro; o director do Idega, Xaquín Fernández Leiceaga; e o profesor da USC, Juan Carmona, que comezou a cerimonia coa lectura da conferencia “Emprendimiento en Galicia. Unha reflexión a partir das figuras de Jesús García Calvo e Valentín Paz Andrade”.
Traballos premiados
Baixo o título “Conflitividade social no medio rural galego (1939-1975): o caso dos montes veciñais en man común”, Araceli Freire Cedeira centrou a súa investigación nos montes veciñais como obxecto de estudo para esclarecer a historia recente da sociedade rural galega. A tese fai unha exhaustiva revisión da evolución da lexislación forestal durante o franquismo, do dereito consuetudinario sobre o monte reivindicado polos veciños, da súa loita pola recuperación dese dereito, os conflitos ocasionados e a súa resolución coa devolución efectiva final das propiedades comunitarias.
O traballo de fin de máster de Francisca Gago Guillán, “Os modelos de aplicación do programa Leader 2007-2013 no Estado español”, analiza por primeira vez, de maneira cuantitativa, os modelos de aplicación do programa Leader nas diferentes Comunidades Autónomas españolas para o período de estudo do traballo.
Premio Jesús García Calvo
A Fundación Feiraco decidiu convocar por primeiro ano o Premio Jesús García Calvo como homenaxe ao presidente de honra e fundador da Cooperativa, comprometido coa mellora da economía rural en Galicia e a reconversión do agro galego, cambiando o seu individualismo e baixa produtividade por un modelo de cooperación eficaz.
Feiraco quere manter viva a súa identidade cooperativa, facendo oir a súa voz premiando todas aquelas iniciativas que defendan, como o fixo o seu fundador, o modelo presente e futuro da economía social e do sector.
Día das Letras Galegas 2013
En 2013 unímonos á celebración do Día das Letras Galegas, en conmemoración de Roberto Vidal Bolaño, cunha campaña específica para a que se realizou un orixinal para prensa, publicidade dixital e cartelería. A acción completouse coa distribución dun marca páxinas especial en forma de rabo de vaca. Ademais, organizamos a II edición do Concurso de Relatos Breves de Feiraco en Facebook, ao que se presentaron máis de 130 relatos orixinais e en galego.
Neste Entroido todas as vacas queren ser Feiraco
Con motivo dos festexos do Entroido, os cartóns de leite Feiraco vestíronse de “choqueiros” a través da distribución dunha edición especial dos envases de leite enteiro, leite semidesnatado e leite desnatado. Ademais, regaláronse tres modelos de máscaras distintos nos supermercados de Galicia, as cidades decoráronse con mupis da campaña e realizouse unha campaña específica en medios online. Para completar a acción, organizamos un concurso de receitas de cociña de entroido en Facebook.
