Os iogures e o leite son bos sustitutos da nata en múltiples receitas, mais a nata para bater Feiraco aporta un sabor e textura singulares aos vosos pratos coa que marcaredes a diferenza. De cando en vez, agradécense receitas como biscoitos, bicas, tortas e mesmo madalenas con nata, como as que vos presentamos hoxe.
Madalenas de nata
Ingredientes:
3 ovos
250 g de azucre
Reladura dun limón
75 g de aceite de oliva
125 g de nata para bater Feiraco
250 g fariña repostería
12 g fermento químico
Preparación:
– Mesturamos o azucre, a reladura de limón e os ovos durante 5 minutos.
– Engadimos o aceite e a nata Feiraco e batemos durante 1 minuto máis.
– Peneiramos a fariña e incorporamos o fermento químico. Engadimos á mestura anterior.
– Prendemos o forno a 250 graos por enriba e por baixo
– Vertemos a masa nos moldes das madalenas e reservamos no frigorífico 15 minutos para que suban mellor.
– Introducimos as madalenas no forno durante 15-20 minutos, dependendo do voso forno.
– Opcionalmente, podemos engadirlle azucre por riba antes de meter no forno para que forme unha costra doce.
Bo proveito 😉